Aýa raıy
Astana -2 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da demalys kúnderi teatrlar ashylyp, birqatar qyzmet kórsetý oryndary jumys isteıdi

2020 jyldyń 18 qyrkúıek 2020 12:27

PETROPAVL. QazAqparat – Soltústik Qazaqstan oblysynda bas sanıtarııalyq dárigerdiń jańa qaýlysyna saı birqatar qoǵamdyq oryndar jumysyn bastady, degenmen demalys kúnderi saýda ortalyqtary men bazarlar, saýda oıyn-saýyq ortalyqtary jabyq bolady, dep habarlaıdy QazAqparat tilshisi.

SQO taýarlar men kórsetiletin qyzmetterdiń sapasy men qaýipsizdigin baqylaý departamentiniń bastyǵy Serikbaı Qasmaqasovtyń aıtýynsha, teatrlar 50%-ke ǵana tolyp jáne adam sany 50-den asyrmaı jumys isteı alady. Biraq maska rejımi men áleýmettik qashyqtyqty saqtaýlary kerek. Saýda oıyn-saýyq ortalyqtaryndaǵy qoǵamdyq tamaqtaný oryndary da jumysyn bastaıdy. Ujymdyq is-sharalardy ótkizýge ruqsat joq jáne kelýshiler sany 50-den aspaýy qajet. Endi jalpy qoǵamdyq tamaqtandyrý oryndary saǵat 23.00-ge deıin ashyq.

Jumys kúnderi kelýshilerdiń sanyn azaıtý maqsatynda endi sulýlyq salondary, shashtarazdar, fıtnes ortalyqtar, sporttyq-saýyqtyrý ortalyqtary, trenajer zaldary, saýnalar jáne aldyn ala jazylý boıynsha, 50%-ke ǵana tolyp jáne adam sany 50-den asyrmaı basseınder, dinı nysandar, balalar kabınetteri, ashyq aspan astyndaǵy jármeńkeler men attraktsıondar demalys kúnderi de jumys isteı alady.

«Azyq-túliktik emes taýardy satatyn jabyq bazarlar, saýda úıleri, saýda oıyn-saýyq ortalyqtary demalys kúnderi jumys istemeıdi. Mundaǵy azyq-túlik sýpermarketterinen basqalary da senbi-jeksenbi jumysyn toqtatady», - deıdi Serikbaı Qasmaqasov.

Memlekettik shekarany kesip ótý beketterinde sanıtarlyq-karantındik qadaǵalaý kúsheıtildi.

«Qazaqstanǵa Eýrazııalyq ekonomıkalyq odaqqa kiretin memleketterden kelýshiler shekaradan elge óterde dene qyzýy ólshenedi, saýalnama toltyrady, COVID-19 joqtyǵy jaıynda PTsR ádisimen zerttelgen jáne qolǵa alǵanyna 5 kún óte qoımaǵan anyqtamany kórsetedi. Mundaı anyqtama bolmaǵan jaǵdaıda kelýshiden sol jerde saraptama alynady. Tek osydan keıin saparyn jalǵastyrady. Al dene qyzýy bolǵan jaǵdaıda anyqtamasynyń bolǵanyna qaramastan provızorlyq ortalyqqa eki táýlikke karantınge jatqyzylady. Bul jerde olardan zerthanalyq túrde saraptama jasalady. Oń nátıje bergen jaǵdaıda ınfektsııalyq statsıonarǵa jatqyzylady», - deıdi oblystyń bas sanıtarııalyq dárigeri.

SQO-da 18 qyrkúıekke deıin koronavırýsty juqtyrǵan 4039 adam tirkeldi. Onyń 3918-i - 97% táýir bolyp, 20 adam kóz jumdy.


Joǵary qaraı