Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da Covid-19 ınfektsııasyn juqtyrý 12 paıyzǵa tómendedi

2021 jyldyń 23 qyrkúıek 2021 20:41

PETROPAVL. QazAqparat – Soltústik Qazaqstan oblysynda koronavırýs ınfektsııasyn juqtyrý deńgeıi sońǵy eki aptada 12 %-ǵa tómendedi, dep habarlaıdy QazAqparat tilshisi.

SQO sanıtarııalyq-epıdemıologııalyq baqylaý departamentiniń málimetinshe, sońǵy 2 aptada oblysta Covid-19 ınfektsııasyn juqtyrý 1214-ten 1062 jaǵdaıǵa deıin tómendedi. Aýyrǵandar arasynda barlyq jas sanatynyń ókilderi bar. Degenmen, eń úlken úles – 31 % 60 jáne odan joǵary jastaǵylar arasynda baıqalady, 50-59 jastaǵylar arasynda aýyrǵandar 18 %-dy qurasa, 40-49 jastaǵylardyń 13 %-y qaýipti ınfektsııany juqtyrǵan.

Jalpy indet bastalǵaly óńirde KVI juqtyrýdyń 24 042 jaǵdaıy tirkeldi. Olardyń 12 %-y profılaktıkalyq tekserý kezinde syrqattanǵanyn anyqtaǵan, 66 %-y medıtsınalyq kómekke júgingen, al 22 %-y baılanysta bolǵandar arasynda anyqtaldy.

Ótken jyldyń qazan aıynan bastap avtomobıl joldaryndaǵy ótkizý pýnktteri arqyly 255 542 adam shekaradan ótken. Qazaqstan Respýblıkasynyń 5 461 azamatynda anyqtama bolǵan joq, olar COVID-19-ǵa zerthanalyq tekserý úshin karantındik statsıonarlarǵa ornalastyryldy. Olardyń 315-inde test oń nátıje kórsetti. 1403 sheteldik azamatqa PTR anyqtamanyń bolmaýyna baılanysty kirýge tyıym salyndy.

SQO 4 qyrkúıekten bastap «sary» aımaqta. Alaıda mamandar arqany keńge salýǵa bolmaıtynyn aıtyp, eskertip jatyr. Sanıtarııalyq sharalar saqtalmaǵan jaǵdaıda ınfektsııa kúrt órshýi múmkin. Osyǵan baılanysty sanıtar dárigerler sanıtarııalyq erejeler men qaýlylardyń barlyq talaptaryn saqtaýdy: betperde kıip, áleýmettik qashyqtyqty saqtaýdy, buqaralyq is-sharalarǵa qatysýdan bas tartýdy, jeke gıgıena talaptaryn saqtaýdy suraıdy.


Joǵary qaraı