Aýa raıy
Astana -3 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da tsıfrlyq aqparatty saqtaıtyn zamanaýı Data-ortalyq salynyp jatyr

2020 jyldyń 24 qyrkúıek 2020 23:40

PETROPAVL. QazAqparat – Petropavlda tsıfrlyq aqparatty saqtaıtyn zamanaýı, Data-ortalyqtyń qurylysy júrip jatyr, dep habarlaıdy QazAqparat tilshisi.

Data-ortalyq 26 gektar jerde, Petropavldaǵy burynǵy Kalının atyndaǵy zaýyttyń aýmaǵynda ornalasady. Kásiporynnyń aýmaǵy 10 jyldan artyq ıgerilmeı bos jatty. Qazir ol «PP Solutions» otandyq kompanııasynyń ıeliginde.

Investordyń aıtýynsha, zaýyt 26 ǵımarattan turady. Alaıda, sonyń 17-si búginde apattyq jaǵdaıda. Búginde jóndeýge kelmeıtin eski nysandar buzylyp, elektr taratý jelilerin ornatý boıynsha jumystar júrgizilip jatyr.

«Data-ortalyq jobasy 4 kezeń boıynsha júzege asyrylady. Alǵashy eki kezeńde elektr qýaty tartylyp, qosalqy elektr stansasy salynady. Keıin eski ǵımarattardy buzyp, qalǵandaryn jónge keltiretin bolamyz. Ǵımarattardyń ishinde tsıfrlyq aqparatty saqtaıtyn jáne óńdeıtin kóptegen serverler bolady. Jobanyń quny shamamen 18 mlrd teńge shamasynda. Buǵan qurylys jumystary da, qondyrǵyny satyp alýǵa ketetin shyǵyn jáne qosalqy stansa qurylysy da kirgen», - deıdi «PP Solutions» JShS dırektory Bolatbek ıÝsýpov.

Mamandardyń aıtýynsha, Petropavlda salynyp jatqan Data-ortalyqtyń respýblıkada teńdesi bolmaıdy. Zamanaýı, qýatty ortalyqqa bolashaqta álemdik IT alyptary Google, Amazon, Facebook-pen áriptestik ornatý josparda bar.

Data-ortalyq tek 2023 jyly ǵana tolyq qýatynda paıdalanýǵa berilmekshi.


Joǵary qaraı