Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

SQO-da byltyr 49 aýylǵa taza sý jetti

2022 jyldyń 19 qańtar 2022 23:06

PETROPAVL. QazAqparat – Soltústik Qazaqstan oblysynda eldi mekenderdiń 83,5 %-y ortalyqtandyrylǵan sý júıesine qosyldy. Byltyr 49 eldi mekenge taza sý berý úshin 10,3 mlrd teńge jumsaldy, dep habarlaıdy QazAqparat tilshisi.

SQO energetıka jáne turǵyn úı-kommýnaldyq sharýashylyǵy basqarmasynyń málimetinshe, ótken jyldyń qorytyndysy boıynsha 250 myń turǵyny bar 406 aýyl ortalyqtandyrylǵan sý júıesine qosylǵan. Osylaısha eldi mekenderdiń 83,5 %-y taza sý iship otyr. Al 49,5 myń turǵyny bar 229 aýyl aýyz sýdyń zardabyn tartyp otyr.

Ótken jyly óńirdiń sý máselesin sheshýge 10,3 mlrd teńge jumsaldy. Nátıjesinde 174 km jeli qalpyna keltirildi, 48 myń turǵyny bar 49 eldi mekende sý berildi jáne sýmen jabdyqtaý jaqsardy. Shamamen 3 myńǵy jýyq úıge sý úıge kirgizildi.

Sondaı-aq toptyq sý qubyrlary jańǵyrtyldy. Nátıjesinde 11 myń turǵyny bar 26 aýyl ortalyqtandyrylǵan sý júıesine qosyldy.

Bıyl osy baǵyttaǵy jumysty jalǵastyrýǵa 12,3 mlrd teńge bólingen. Jospar boıynsha 135 km jeli jańǵyrtylady. Bul jumystardyń ıgiligin 33,5 myń turǵyny bar 23 eldi meken kórmek. Jalpy bıyl júzege asatyn 17 jobanyń 9-y ótken jyly bastalǵan. Qalǵan 8 jobanyń tórteýi boıynsha merdigerlerdi anyqtaý maqsatynda konkýrs jarııalandy, jobanyń jalpy quny 2 mlrd teńge.

Al quny 2,2 mlrd teńge bolatyn qalǵan 4 joba boıynsha konkýrstyq rásimder 1 aqpanǵa deıin jarııalanbaq. Jumystar Taıynsha, Shal aqyn aýdandarynda júrgiziledi.

Sondaı-aq, respýblıkalyq bıýdjetti kezekti naqtylaý kezinde jalpy somasy 900 mln teńgege aqpan aıynda 2 joba usynylmaq. Budan basqa toptyq sý qubyrlaryn jańǵyrtý jumystary jalǵasady. Nátıjesinde 25 myń turǵyny bar 32 aýylda sý júıesi jaqsarady. Osylaısha bıyl ortalyqtandyrylǵan sýmen jabdyqtaýǵa qoljetimdilikti 84 %-ǵa jetkizý mindeti tur.

Taıynsha, Shal aqyn jáne Aıyrtaý aýdandarynda aýyldardy sýmen qamtý kórsetkishteri tómen. Sýmen jabdyqtaý nysandaryn salýǵa jáne qalpyna keltirýge jobalaý-smetalyq qujattardy daıyndaý jónindegi jumystar durys qolǵa alynbaǵan.


Joǵary qaraı