Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

SQO-da byltyr 10 myń adam zeınetaqy jınaǵyn alyp, baspanaly bolǵan

2022 jyldyń 17 qańtar 2022 12:34

PETROPAVL. QazAqparat – Soltústik Qazaqstan oblysynda byltyr zeınetaqy qoryndaǵy qoljetimdi somany alýǵa 15 925 adam ótinish bergen, onyń 14 637 myńy turǵyn úı jaǵdaıyn jaqsartpaq boldy, dep habarlaıdy QazAqparat tilshisi.

Biryńǵaı jınaqtaýshy zeınataqy qorynyń resmı saıtyndaǵy málimet boıynsha, byltyr zeınetaqy qoryndaǵy shekti somadan asqanyn maqsatty paıdalaný úshin óńirde 16 myńǵa jýyq adam ótinish bergen.

Basym bóligi – turǵyn úı jaǵdaıyn jaqsartýǵa qatysty. Alaıda, 14 637 ótinishtiń tek 10 675-i boıynsha ǵana oń sheshim shyǵarylyp, 18 mlrd 253 mln teńge arnaıy esepshotqa aýdarylǵan.

Zeınetaqy jınaǵyndaǵy qoljetimdi somany emdelýge jumsaý úshin 1 193 ótinish túsip, onyń 270-i keri qaıtarylǵan.

Nátıjesinde 1 359 adam 1 mlrd 045 mln teńgege densaýlyǵyn jaqsartýǵa múmkindik aldy.

Zeınetaqy qoryndaǵy alýǵa bolatyn somany 95 adam qarjylyq kompanııalarǵa ınvestıtsııalyq basqarýǵa ótinish bergen.

Onyń 64-i boıynsha oń sheshim qabyldandy. Senimgerlik basqarýǵa berilgen somanyń jalpy mólsheri – 38 mln teńge.

Bıyl jyl bastalǵaly múmkindikti paıdalanyp, zeınetaqy qoryndaǵy qoljetimdi aqshany turǵyn úı jaǵdaıyn jaqsartýǵa paıdalanýǵa 303 adam ótinish bergen. 88 salymshynyń ótinishi qaıtarylsa, 105 adamnyń 86 mln teńgesi arnaıy esepshotqa aýdarylǵan.

Oblys turǵyndarynyń arasynda qoljetimdi qarajatty emdelýge jumsaýǵa nıet etkender qatary artqan.

Qańtar aıynyń 16 kúni ishinde 514 adam ótinish bergen, 21-iniń ótinishi qanaǵattandyrylmasa, 27 adam 25 mln teńgeni paıdalanyp úlgerdi.

Mamandardyń aıtýynsha, ýákiletti operatordyń arnaıy esepshotyna qarajat túskennen keıin onyń maqsatty qoldanylǵanyn 20 jumys kúni ishinde tıisti qujattarmen dáleldeý qajet.

Óıtpegen jaǵdaıda aqsha jınaqtaýshy qoryna qaıtarylady.

Osy ýaqytqa deıin SQO-da 1600 ótinish boıynsha 2 mlrd teńgeden astam somma keıin qaıtarylǵan.


Joǵary qaraı