Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da boıjetken ata-anasyn eskertpeı ketip, polıtseıler ony Almatydan tapty

2021 jyldyń 19 maýsym 2021 15:01

PETROPAVL. QazAqparat – Soltústik Qazaqstan oblysynda 21 jastaǵy boıjetken ata-anasyn eskertpeı ketip qalǵan, polıtseıler ony bir aptadan keıin Almatydan tapty, - dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, iz-túzsiz joǵalǵandardy izdestirý - krımınaldyq polıtsııa jumysynyń bir baǵyty. Adamdar túrli sebeptermen joǵalady. Tártip saqshylardyń aıtýynsha, olar úıden eskertýsiz ketken kezde jaqyndaryn oılamaıdy.

Ata-anasymen turatyn 21 jastaǵy qyz úıinen eshkimdi eskertpeı ketip qalyp, polıtseıler men volonterler ony bir apta boıy izdedi. Boıjetkenniń joǵalǵany týraly aryz kelip túskennen keıin baǵdar barlyq syrtqy qyzmetterge taratylǵan. Jedel ýákilder joǵalǵan qyzdyń júrýi múmkin jerlerdi, tanystaryn tekserdi. Nátıjesinde onyń Almatyǵa ketkeni belgili boldy.

Qyzmettik issapar kezinde SQO polıtsııa departamenti krımınaldyq polıtsııa basqarmasynyń qyzmetkerleri boıjetkenniń Almatyda júrgen jerin anyqtady. Qyzdyń aıtýynsha, ol oqý máselesin sheshý úshin ketken.

«Ata-anasyna qyzynyń aman ekendigin aıttyq. Úıden nege eskertpeı ketkenin ol aıtqan joq. Ókinishke qaraı, bundaı jaǵdaılar jıi kezdesedi. Іzdeý jumystaryna kóp adam tartylady, qanshama ýaqyt jumsalady. Eskertýsiz ketken adam jaqyndarynyń oılap, ýaıymdaıtynyna mán bermeıdi nemese óziniń josparlary týraly aıtýdy umytyp ketedi. Janjaldan keıin nemese ózin eresek adam retinde kórsetý úshin osyndaı qadamǵa baratyndar bar», - deıdi SQO polıtsııa departamenti krımınaldyq polıtsııa basqarmasynyń bastyǵy Petr Klımov.

Jalpy jyl basynan oblysta 23 adamǵa izdeý jarııalandy. Qazirgi ýaqytta onyń 17-siniń júrgen jeri anyqtaldy.


Joǵary qaraı