Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

SQO-da bıyl 54 áleýmettik nysan jóndeýden ótpek

2022 jyldyń 25 mamyr 2022 18:52

PETROPAVL. QazAqparat – Soltústik Qazaqstan oblysynda bıyl «Aýyl – el besigi» jobasy aıasynda 54 joba júzege asyrylyp, oǵan 13 mlrd jýyq teńge jumsalmaq, dep habarlaıdy QazAqparat tilshisi.

Petropavlda oblystyq qoǵamdyq keńestiń kezekti otyrysy ótip, «Rýhanı jańǵyrý» ulttyq baǵdarlamasynyń oryndalý barysy jaıynda aıtyldy. Bıylǵy jospar boıynsha 43 aýylda 54 nysandy jóndeý kózdelip otyr.

«21 mektep, 3 sport zaly, 3 densaýlyq saqtaý, 8 mádenıet, 8 turǵyn úı-kommýnaldyq sharýashylyq jáne 11 kóliktik-ınfraqurylymdyq nysan jónge keltiriledi. Bul maqsatqa 6,3 mlrd teńge bólinedi. Onyń 5,5 mlrd teńgesi respýblıkalyq bıýdjetten bolsa, qalǵany jergilikti bıýdjet esebinen», - deıdi SQO ishki saıasat basqarmasynyń basshysy Kemel Ospanov.

Qazirgi ýaqytta óńirde baǵdarlamanyń 17 arnaıy jobasy iske asyrylyp jatyr. «Aýyl – el besigi» jobasy aıasynda byltyr 50 eldi mekende 78 is-shara qolǵa alynǵan. Bul aýyldardyń áleýmettik nysandaryn, kóliktik ınfraqurylymyn jóndeýge 10,6 mlrd teńge bólinip, sonyń shamamen 90%-y ıgerildi. 78 jobanyń altaýy bıyl aıaqtalýy tıis.

Al, «Týǵan jer» jobasy aıasynda byltyr eldi mekenderde 11 áleýmettik mańyzy bar nysan salynsa, 91-i kúrdeli jóndeldi.

Aıta ketsek, buǵan deıin «Aýyl – el besigi» jobasy 3,5 myń aýyldy qamtyǵany habarlanǵan.


Joǵary qaraı