Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da bir jasar sábı koronavırýstan qaıtys boldy

2021 jyldyń 20 shilde 2021 01:45

PETROPAVL. QazAqparat – Soltústik Qazaqstan oblysyndaǵy ınfektsııalyq statsıonarda sońǵy úsh kúnde koronavırýsty juqtyrǵan 4 adam qaıtys boldy. Olardyń bireýi jastan eki aı asqan sábı, dep habarlaıdy QazAqparat tilshisi.

SQO densaýlyq saqtaý basqarmasy baspasóz qyzmetiniń málimetinshe, óńirde sońǵy 10 kúnde koronavırýsqa qatysty epıdemıologııalyq jaǵdaı nasharlap ketti. Shilde aıynyń basynda ınfektsııalyq statsıonarlarǵa táýligine 20 shaqty adam ǵana tússe, sońǵy úsh kúnnen beri kúndelikti ottegi ballonyna táýeldi 50 adamnan túsip jatyr.

1 shilde kúni oblystaǵy ınfektsııalyq statsıonarlarda 670 oryn bolyp ol 27 %-ǵa ǵana tolyq bolsa, 19 shildedegi jaǵdaı boıynsha tósek-oryn sany 830-ǵa jetken. Olar 47 %-ǵa tolyq. Syrqattanyp em alyp jatqandar 167-den 393-ke deıin jetti.

«Jaǵdaıy aýyr naýqastardyń sany kúrt artyp, 17-den 28-ge deıin jetti. Jansaqtaý bólimshesine kúnde 7 syrqattan túsedi. Ókpeni jasandy jeldetý apparatynda jaǵdaıy óte nashar 11 naýqas jatyr. 393 syrqattyń eshqaısysy Covid-19-ǵa qarsy vaktsına almaǵan.

Sońǵy úsh kúnde ınfektsııalyq statsıonarlarda em alyp jatqan 4 adam Covid-19-dan qaıtys boldy. Olardyń bireýi – jastan eki aı ǵana asqan sábı. Qaıtqandardyń eshqaısysy da vaktsına almaǵan. Sábı de, onyń anasy da ekpe almaǵan týystarynan koronavırýsty juqtyrǵan. Saldarynan bala Covid-19-dan saqtana almady», - delingen baspasóz habarlamasynda.

Mamandardyń aıtýynsha, Covid-19-ǵa qarsy ekpe alǵan adam qaýipti ınfektsııany juqtyrǵan jaǵdaıda da, ol jeńil ótedi. Eń bastysy – mundaı adamnyń aınalasyndaǵylarǵa keltirer qaýpi tómen. Al vaktsınatsııadan ótpegender Covid-19-ben aýyrǵan jaǵdaıda ekpe alýǵa bolmaıtyndardy: balalardy, ekiqabat áıelderdi, emizetin áıelderdi, densaýlyǵy nashar adamdardy juqtyrady.


Joǵary qaraı