Aýa raıy
Astana -13 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da bir kúnde eki órt tirkelip, ekeýinde de qaza tapqandar mas bolǵan

2020 jyldyń 29 qazan 2020 22:14

PETROPAVL. QazAqparat – Soltústik Qazaqstan oblysynda bir kúnde eki órt oqıǵasy tirkelip, eki adam mert boldy. Olardyń ekeýi de mas bolǵan, dep habarlaıdy QazAqparat tilshisi.

SQO tótenshe jaǵdaılar departamentiniń málimetinshe, 27 qazanda Petropavl qalasynyń Podgora shaǵyn aýdanyndaǵy jeke úıden órt shyqty. Oqıǵa ornyna jetken mamandar órt ornynan 1973 jyly týǵan úı ıesiniń denesin alyp shyqty. Órttiń shyǵýyna sóndirilmegen temeki tuqyly sebep bolǵan.

Sol kúni Aıyrtaý aýdany Aıyrtaý eldimekeni mańyndaǵy karerdegi jyljymaly vagonda órt shyqqan. Jylytý peshin paıdalaný kezinde órt qaýipsizdigi erejelerin buzý adam ólimine ákeldi. «Kókshe-Býr» JShS 1960 jyly týǵan jumysshy-burǵylaýshysy mert boldy.

Mamanardyń aıtýynsha, eki jaǵdaıda da qaza tapqandar mas bolǵan.

Jalpy jyl basynan SQO-da 547 órt tirkeldi. 43 adam, onyń ishinde 5 bala mert boldy. 14 adam jaraqattansa, keltirilgen materıaldyq shyǵyn 116 mln teńge.

«Órttiń 75%-y turǵyn úı sektoryna tıesili. 43 adam qaza tapsa, solardyń 41-i jáne sonyń ishinde 5 bala osy jeke turǵyn úılerde mert bolǵan. 8 órtte 20 adam qaza tapqan. Onyń ishinde 14 adam, 70%-i mas kúıinde qaza bolǵan», - deıdi vedomstvo qyzmetkerleri.


Joǵary qaraı