Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da bir aýyl qus tumaýyna baılanysty karantınge jabyldy

2021 jyldyń 27 qyrkúıek 2021 13:14

PETROPAVL. QazAqparat – Soltústik Qazaqstan oblysynda qus tumaýynyń taralýyna baılanysty M.Jumabaev aýdynyndaǵy Lebıaje eldi mekeni karantınge jabyldy, dep habarlaıdy QazAqparat tilshisi.

SQO veterınarııa basqarmasynyń málimetinshe, 21-26 qyrkúıek aralyǵynda M.Jumabaev aýdany Lebıaje eldi mekeninde 1003 úı qusy qyryldy. Bul - jeti úıdiń qusy. Negizinen 2-3 aılyq qus - sonyń ishinde 130 taýyq, 291 qaz, 582 úırek ólgen. Mamandar qustardyń óleksesin jınap alynyp, kúıdirý arqyly joıdy.

«Veterınarlyq qyzmet epızootııalyq zertteý júrgizildi. Ólgen qustardan materıal alynyp, zerthanaǵa jiberildi. 24 qyrkúıek kúni onyń qorytyndysy kelip, qus tumaýy ekeni rastaldy.

Úı qustaryna qaýipti aýrý jabaıy qustardan juǵýy múmkin. Óıtkeni eldi mekende sý qoımasy bar, onda aqqýlar, jabaıy úırekter men basqa da qustar mekendeıdi», - deıdi SQO veterınarııa basqarmasy bóliminiń basshysy Qaıyrly Qazanov.

Osyǵan baılanysty M.Jumabaev aýdany Lebıaje aýyly karantınge búginnen bastap jabyldy.


Joǵary qaraı