Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da bir aptanyń ishinde 15 keli esirtki zaty tárkilendi

2021 jyldyń 16 qyrkúıek 2021 17:06

PETROPAVL. QazAqparat – Soltústik Qazaqstan oblysynda bir aptanyń ishinde polıtseıler 15 keli túrli esirtki zatyn zańsyz aınalymnan aldy, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, «Dármek» jedel-profılaktıkalyq is-sharasy aıasynda polıtseıler esirtki jáne psıhotroptyq preparattardy paıdalanatyn medıtsınalyq mekemelerdi, ónerkásiptik kásiporyndardy, qoımalardy, dárihanalardy tekserdi. Bul jumystar bir aptaǵa sozyldy. Іs-sharanyń maqsaty - baqylaýdaǵy esirtki quraldarynyń, psıhotroptyq zattar men prekýrsorlardyń zańsyz aınalymǵa túsýine jol bermeý. Nátıjesinde eki dárihanada dári-dármekterdi retseptsiz bosatý jaǵdaılary anyqtaldy. Keı medıtsınalyq mekemelerde quramynda esirtkisi bar preparattarǵa esep júrgizilmegen. Tártip saqshylary baqylaýdaǵy zattardy zańsyz paıdalanýǵa jaǵdaı jasaıtyn 18 olqylyqty anyqtady.




«Dármek» jedel-aldyn alý is-sharasy kezinde esirtkiniń zańsyz aınalymyn anyqtaý jáne jolyn kesý jumystary da jandandy. Osyndaı 11 fakti tirkelse, onyń ekeýi asa iri kólemdi esirtkige qatysty. Sonyń birinde zańsyz aınalymnan 2 kg gashısh tárkilendi. Budan basqa sıntetıkalyq esirtkige uqsaıtyn 30 gr zat saraptamaǵa jiberildi. Taǵy bir derek quramynda esirtki bar ósimdikterdi ósirýge qatysty anyqtaldy. Operatsııa kezinde barlyǵy 15 keliden astam esirtki zaty aınalymnan alyndy», - deıdi SQO PD esirtki qylmysyna qarsy is-qımyl basqarmasynyń bastyǵy Jandos Basybaev.


Joǵary qaraı