Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da bir aptada Covid-19 ınfektsııasyn juqtyrý 2 esege tómendedi

2021 jyldyń 11 maýsym 2021 19:31

PETROPAVL. QazAqparat – Soltústik Qazaqstan oblysynda ótken táýlikte koronavırýsty juqtyrýdyń 21 jaǵdaıy tirkeldi. Jalpy epıdemıologııalyq jaǵdaı jaqsaryp, aýyrǵandar sany bir aptada eki ese azaıyp otyr, dep habarlaıdy QazAqparat tilshisi.

SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, osy aptanyń 4 kúninde óńirde KVI-dyń 62 jaǵdaıy tirkeldi. Bul - ótken aptanyń osy kezeńimen salystyrǵanda 2 esege tómen.

Barlyq jaǵdaılardyń 88 %-y epıdemıologııalyq kórsetkishter boıynsha anyqtaldy. Sanıtar dárigerlerdiń aıtýynsha, bul emdelýshilerdi emdeýshi dárigerler men jedel medıtsınalyq kómek brıgadalary muqııat teksergendiginiń belgisi. Nátıjesinde adamdarda koronavırýstyń belgileri ýaqtyly anyqtalady. Bul tásil emdeýdi der kezinde taǵaıyndaý men naýqasty qoǵamnan oqshaýlaýǵa múmkindik beredi.

Sońǵy táýlikte SQO-da koronavırýstyq ınfektsııanyń 21 jańa jaǵdaıy tirkeldi, onyń 18-inde syrqattar dárigerge aýyryp kóringen.

Pandemııa bastalǵannan beri óńirde koronavırýspen 15 myńǵa jýyq adam aýyrǵan. Olardyń basym kópshiligi – jumys isteıtin halyq, ıaǵnı 33 %-y, zeınetkerler – 28 %, jumys istemeıtinder – 16 %.

Sondaı-aq ınfektsııany kóbinese – 30 %-yn 60 jastan asqan adamdar juqtyrady, 50-59 jas aralyǵyndaǵylardyń úlesi – 18 %, 14 jasqa deıingi balalar – 9 %-dy quraıdy.


Joǵary qaraı