Aýa raıy
Astana -17 °S
Almaty -14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da bilim bóliminiń bas býhgalteri 3 jylǵa sottaldy

2020 jyldyń 27 qarasha 2020 17:03

PETROPAVL. QazAqparat – Soltústik Qazaqstan oblysy Ýálıhanov aýdandyq bilim bóliminiń bas býhgalteri memleket aqshasyn talan-tarajǵa salǵany úshin 3 jylǵa bas bostandyǵynan aıyryldy, dep habarlaıdy QazAqparat tilshisi.

«Antıkor ortalyǵy» servıstik ortalyǵynyń alańynda SQO Sybaılas jemqorlyqqa qarsy qyzmet basshysynyń birinshi orynbasary Nurlan Jahın Ýálıhanov aýdanyndaǵy bilim bólimi bas esepshisiniń qylmystyq quqyq buzýshylyq isi jaıynda málim etti.

Іri kólemde alaıaqtyq jasaǵan Altyn Tótebaeva kináli dep tanylyp, Ýálıhanov aýdandyq sotynyń úkimimen 3 jylǵa bas bostandyǵynan aıyryldy. Sondaı-aq sottalýshy 3 jyl merzimge qarjylyq qyzmetpen baılanysty laýazymdardy atqara almaıdy.

Іs materıaldarynda Altyn Tótebaevanyń aı saıyn bilim bólimindegi únemdelgen aqshany óziniń jeke kartochkalyq shotyna aýdaryp otyrǵandyǵy aıtylady.

«Bıýdjet qarajatyn bilim bóliminiń basshylyǵy, sondaı-aq basqa da ýákiletti memlekettik organdar jetkilikti deńgeıde qadalamaǵanyna kóz jetkizgen bas býhgalterdiń orynbasary, al 2017 jyldyń 3 qazannan bastap bas býhgalter bolǵan A.Tótebaeva óziniń zańsyz áreketterin jalǵastyrdy. 2017 jylǵy qańtar men 2019 jylǵy jeltoqsan aralyǵynda ol bıýdjetten 5 mln 657 myń teńge jymqyrdy», - deıdi Nurlan Jahın.


Joǵary qaraı