Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da báıge maýsymy jabyldy

2021 jyldyń 12 qazan 2021 09:35

PETROPAVL. QazAqparat – Soltústik Qazaqstan oblysynda at sporty maýsymy 50-ge jýyq sáıgúlik qatysqan jarystarmen saltanatty túrde jabyldy, dep habarlaıdy QazAqparat tilshisi.

SQO Dene shynyqtyrý jáne sport basqarmasy baspasóz qyzmetiniń málimetinshe, bıyl óńirde at sporty maýsymy shartty túrde jabyldy. Óıtkeni óńir sportshylarynyń bir bóligi qazirgi ýaqytta Aqtaýda ótip jatqan «Aq bıdaı» VII respýblıkalyq aýyldyq sporttyq oıyndaryna qatysyp jatyr. Atbegilerdiń keıbiri tulparlaryn osy jarysqa áketti. Osy sebepti bıyl maýsymnyń jabylýyna Pavlodar, Kókshetaý qalalarynan turaqty qatysýshylar kelgen joq.

SQO koronavırýs boıynsha «qyzyl» aımaqqa qaıta engendikten, Beskól aýylyndaǵy «Qulager» ıppodromynda kórermender sany shekteýli boldy. Trıbýnalar tek 20% ǵana toldy. Biraq bul sport merekesiniń jaqsy ótýine áser etken joq.




Bul kúni báıgeler at jarysynyń 7 túri boıynsha ótti. «Ushqyr báıgede» - 1800 shaqyrymda Qyzyljar aýdanynyń ókili Dmıtrıı Volkovtyń Staıl Antık atty sáıgúligi márege birinshi jetti.

Úsh jasar jylqylardyń jarysynda tulparlar 2 400 metrdi baǵyndyryp, Mamlıýt aýdanynan kelgen Andreı Kasılovtyń Djevıshte atty sáıgúligi kósh bastady.




7 000 metrlik qunan báıgede ýchınsk qalasynan kelgen jáne Taıynsha aýdanynyń atynan shyqqan 13 jasar Sáken Qudaıqul Dara atty tulparymen máre syzyǵyna birinshi bolyp jetti. Jas shabandoz osy kúni eki ret kózge tústi. 16 000 metrlik alaman báıge jarysyna ol Gektor atty sáıgúlikpen shyǵyp, jeńimpaz atandy. Sáken Qudaıqul jeti jasynan bastap atqa otyrǵan. Qyrkúıek aıynyń sońynda ol óziniń Gektorymen Pavlodarda alaman báıgede ekinshi oryn aldy. Olar osylaısha maýsymdy sátti aıaqtady.




Jalpy bıyl SQO sportshylary osy maýsymda birqatar jetistikke jetti. Mysaly, Dmıtrıı Volkov Reseıde, Qazan qalasynda ótken jarystarda júldeli oryndarǵa ıe boldy. Aǵaıyndy Chıbısovtar qyrkúıek aıynyń sońynda Pavlodarda ótken at sporty jarystarynda jorǵa jarystan altyn jáne kúmis medal jeńip aldy.


























Joǵary qaraı