Aýa raıy
Astana -15 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da balyq aýlaýdyń qyzyǵyna túsken er adam adasyp ketti

2020 jyldyń 26 qarasha 2020 15:26

PETROPAVL. QazAqparat – Soltústik Qazaqstan oblysynda balyq aýlap júrip, adasyp ketken er adamdy qutqarýshylar ekinshi kúni tapty, dep habarlaıdy QazAqparat tilshisi.

SQO Tótenshe jaǵdaılar departamenti baspasóz qyzmetiniń málimetinshe, Petropavldyń 51 jastaǵy turǵyny 25 qarasha kúni tańǵy saǵat 10.00 shamasynda balyq aýlaýǵa shyqqan. Kóligimen Prıbrejnoe eldimekeni mańyna deıin kelip, sol jerden jaıaý Esil ózenine balyq aýlaýǵa túsken. Keshki saǵat 18.00 shamasynda qarmaǵyn jınap, úıge qaıtpaq bolady. Alaıda balyq aýlaýdyń qyzyǵyna túsip, alystap ketipti. Baǵdardan aırylyp, 12-15 shaqyrymdaı júredi. Biraq ózdiginen qaıtar joldy tappaǵan ol 26 qarasha kúni túngi saǵat 1.30 shamasynda 112 nómirine habarlasyp, kómek suraıdy.

Adasqan balyqshy jaıynda habar Qyzyljar aýdanynyń tótenshe jaǵdaılar boıynsha bólimine, polıtsııa qyzmetkerlerine jáne jergilikti atqarýshy organǵa jetkizildi. Birden izdeý-qutqarý toby qurylyp, qutqarýshylar men polıtseıler eki «Nıva» kóligimen oqıǵa ornyna attandy. Olarǵa jol kórsetýge qoryqshy kómektesti. Mamandar balyqshymen baılanys ornatyp, Qarǵaly aralyn, «Porohovoe» kóliniń mańyn sholyp shyqty.

Joǵalǵan er adam tek tańǵa jaqyn, shamamen saǵat 5.00 shamasynda Báıterek aýylyna 2 km jetpeı, Esil ózeniniń mańynda tabyldy. Aman-esen tabylǵan er adam qutqarýshylaryna alǵysyn jaýdyryp, medıtsınalyq kómekten bas tartty.


Joǵary qaraı