Aýa raıy
Astana -6 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da aýylǵa sapasyz jol salǵan kompanııa sotta jaýap berdi

2020 jyldyń 17 qarasha 2020 11:57

PETROPAVL. QazAqparat – Soltústik Qazaqstan oblysynda Zagradovka aýylynyń jolyn sapasyz jóndegen kompanııaǵa qatysty sot úkimi shyqty, dep habarlaıdy QazAqparat tilshisi.

SQO Mamandandyrylǵan aýdanaralyq ekonomıkalyq sotynyń málimetinshe, «Kaz Fortis» JShS-ni sotqa Esil aýdandyq turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bólimi bergen. Merdiger kompanııa osy aýdandaǵy Zagradovka aýylynyń jolyn sapasyz jóndegen. Kelisimshart boıynsha sotta jaýap berýshi aýdandyq mańyzdaǵy KTES-72 avtojolyna ortasha deńgeıdegi jóndeý jumystaryn júrgizýi kerek edi. Alaıda kompanııa mindettemesin tıisti deńgeıde oryndamaǵan.

Sot úkimi boıynsha kompanııa 580 myń teńge aıyppul tólep, 1,2 shaqyrym joldy kún jylynysymen qalpyna keltiretin boldy. Al seriktestikti memlekettik satyp alýlardyń jaýapsyz qatysýshysy dep tanýǵa sot bas tartty. Óıtkeni aýdandyq bólim kompanııany memlekettik satyp alýdan shettetý jóninde sotqa ýaqytynda, ıaǵnı bir aıdyń ishinde shaǵymdanbaǵan.

Budan basqa, memlekettik satyp alý boıynsha zańnyń buzylýyna baılanysty oblys ákimi men prokýrorǵa, SQO boıynsha ishki memlekettik aýdıt departamentine jeke uıǵarym jiberildi.

Aıta keteıik, Esil aýdanynan Zagradovkaǵa deıingi 6 shaqyrym joldy ortasha jóndeýge byltyr respýblıkalyq bıýdjetten 340 mln teńge bólingen. Qarasha aıynda jol tapsyryldy. Alaıda, bir aı ótpeı shurq tesildi. Bul, qoǵamda rezonans týdyrdy.


Joǵary qaraı