Aýa raıy
Astana -18 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da arnaıy qyzmetterdiń kóligine jol bermegender jazalanyp jatyr

2020 jyldyń 27 qarasha 2020 14:52

PETROPAVL. QazAqparat – Soltústik Qazaqstan oblysynda tártip saqshylary avtokólikke jol bermeıtin júrgizýshilerdi anyqtaý boıynsha reıd ótkizip, 3 júrgizýshige ákimshilik hattama toltyrdy, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, kólik júrgizýshileriniń basym bóligi shaqyrtýǵa asyǵyp bara jatqan arnaıy qyzmetterdiń mashınalaryn ótkizip jiberýge tyrysady.

Óıtkeni jedel járdem, órt sóndirý, qutqarý, polıtsııa – adam ómirine arasha túsetin qyzmetter úshin árbir mınýt mańyzdy.

Biraq, arnaıy jaryq jáne dybys sıgnaldaryn iske qosyp, asyqqan mundaı kólikterdi ótkizbeıtinder de bar. Olar reıd barysynda anyqtalyp, ákimshilik jaýapkershilikke tartyldy.

«Arnaıy kólikterdiń qozǵalysyna basymdyq bermegen júrgizýshiler jazalandy. Reıd barysynda bul júrgizýshilerdiń jol qozǵalysy erejelerin bilmeıtindigi anyqtaldy. QR jol qozǵalysy erejesiniń 6-taraýyna sáıkes, jedel jáne arnaıy qyzmettiń kólik quraldarynyń júrgizýshileri kezek kúttirmeıtin qyzmettik tapsyrmany oryndaýy kezinde, qozǵalystyń basqa qatysýshylary aldynda basymdyqqa ıe. Biraq olar ózderine jol berilgendigine kóz jetkizgennen keıin ǵana basymdyqty paıdalana alady. Jarqyldaq maıagi iske qosylǵan jáne arnaýly dybystyq sıgnaly bar kólik quraldary jaqyndaǵan kezde júrgizýshiler kedergisiz ótip ketýin qamtamasyz etý úshin joldy bosatýy tıis», - deıdi Petropavl qalalyq polıtsııa basqarmasy patrýldik polıtsııa batalony shtabynyń bastyǵy Oksana Popova.

Esterińizge sala keteıik, ótken aptada medıtsınalyq qyzmettiń «Nıva» markaly kóligi Jambyl-Ǵabıt Músirepov kósheleriniń qıylysynda Volkswagen kóligimen soqtyǵysty.

Osyndaı jol apatynyń aldyn alý maqsatynda patrýl polıtseıleri únemi reıdt ótkizip turady.

Osy joly bir saǵat ishinde tártip saqshylary «Arnaıy jaryq jáne dybys sıgnaldary iske qosylǵan jedel jáne arnaıy qyzmetter kólik quralynyń júrýine basymdyq bermeý» babyn buzýdyń birden úsh deregin anyqtady.

Jalpy jyl basynan oblys joldarynda jedel jáne arnaıy qyzmet kólikterine jol bermeýdiń 15 deregi anyqtaldy.


Joǵary qaraı