Aýa raıy
Astana -8 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da alty aýyl, bir qaladan karantın rejımi alyndy

2020 jyldyń 2 jeltoqsan 2020 17:50

PETROPAVL. QazAqparat – Soltústik Qazaqstan oblysynda koronavırýs boıynsha epıdemıologııalyq jaǵdaıdyń jaqsarýyna baılanysty alty aýyl men Mamlıýtka qalasynan karantın alyndy, dep habarlaıdy QazAqparat tilshisi.

SQO Sanıtarııalyq-epıdemıologııalyq baqylaý departamenti baspasóz qyzmetiniń málimetinshe, 1 jeltoqsanda oblys aýmaǵynda KVI juqtyrýdyń 107 jaǵdaıy tirkelgen. Bir aptaǵa jýyq bul kórsetkish óńirde bir qalypty ustalyp tur. Infektsııa juqtyrǵandardyń basym bóligi – Petropavl turǵyndary.

COVID-19 vırýsyn juqtyrǵandardyń artýyna baılanysty Petropavl qalasynan basqa 5 aýdandaǵy 8 eldimeken karantınge jabylǵan. Olar: Esil aýdanyndaǵy Nıkolaevka, Petrovka eldimekenderi, Qyzyljar aýdanyndaǵy Beskól aýyly, M.Jumabaev aýdanynyń ortalyǵy – Býlaev qalasy, Taıynsha aýdanynyń ortalyǵy – Taıynsha qalasy jáne Ýálıhanov aýdanynyń ortalyǵy – Kishkenekól aýyly.

Al buǵan deıin jabylǵan alty aýyl, bir qalada karantındik shekteýlerdiń nátıjesinde epıdjaǵdaı túzelip, blokposttar alyndy.

«Buǵan deıin jabylǵan Aqjar aýdanynyń Gorkovskoe aýyly, Aqqaıyń aýdanynyń Smırnov aýyly, Esil aýdanynyń ıAvlenka, Pokrovka, Chırıkovka jáne Korneevka aýyldary, sondaı-aq Mamlıýtka qalasy aýrýdyń bolmaýyna baılanysty karantınnen alyndy», - deıdi sanıtarııalyq dárigerler.

Jalpy oblysta 171242 adamǵa PTR zertteý júrgizildi, onyń 3,8 % - 6616 naýqasta nátıje oń boldy. Búginde SQO-da koronavırýsty juqtyrýdyń 6616 jaǵdaıy tirkelgen.


Joǵary qaraı