Aýa raıy
Astana -9 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da áleýmettik jeli arqyly dinı materıaldar taratqan turǵyn jazalandy

2020 jyldyń 18 qarasha 2020 14:50

PETROPAVL. QazAqparat – Soltústik Qazaqstan oblysynda dinı mazmundaǵy materıaldardy áleýmettik jeli arqyly taratqan turǵyn 100 myń teńge shamasynda aıyppul tólemek, dep habarlaıdy QazAqparat tilshisi.

SQO soty baspasóz qyzmetiniń málimetinshe, Petropavl qalalyq mamandandyrylǵan ákimshilik soty M. degen azamatqa qatysty ákimshilik isti qarady. Oblys ortalyǵynyń turǵyny «WhatsApp» messendjerindegi «Statýs» arqyly uıaly telefonynan dinı mazmundaǵy materıaldardy jarııalap otyrǵan.

Arnaıy saraptama taǵaıyndalyp, materıaldardyń din jaıynda ekendigi dáleldendi.

«QR Dinı qyzmet jáne dinı birlestikter týraly» Zańyna sáıkes dinı kitaptardy, dinı mazmundaǵy aqparattyq materıaldardy jáne dinı buıymdardy dinı bilim berý uıymdarynda, meshit-shirkeýlerde jáne jergilikti atqarýshy organdar bekitken, ruqsaty bar arnaıy oryndarda ǵana taratýǵa bolady.

«WhatsApp» messendjerin kópshilik qoldanady. Jaýap berýshi M. áleýmettik jeliniń múmkindigin paıdalanyp, basqalardyń nazaryna dinı mazmundaǵy aqparatty usynyp otyrǵan. Ákimshilik jaýapqae tartylǵan er adam sotta óziniń dinı biliminiń joq ekendigin, dinı qyzmet júrgizýge sertıfıkattar men ruqsat almaǵanyn, dinı materıaldardy taratýǵa zań boıynsha tyıym barlyǵyn bilmegenin aıtty. Petropavl qalalyq mamandandyrylǵan ákimshilik soty er adamǵa 97 230 teńge aıyppul saldy.


Joǵary qaraı