Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da alaıaqtyq jasaǵan 2 polıtseı sottaldy

2021 jyldyń 13 qazan 2021 11:25

PETROPAVL. QazAqparat – Petropavl qalalyq soty alaıaqtyq faktisi úshin patrýldik polıtsııa batalony qyzmetkerlerine qatysty qylmystyq is boıynsha úkim shyǵardy, dep habarlaıdy QazAqparat tilshisi.

Sybaılas jemqorlyqqa qarsy is-qımyl agenttiginiń Soltústik Qazaqstan oblysy boıynsha departamentiniń málimetinshe, bıyl 21 sáýirde patrýldik polıtsııa batalonynyń eki ınspektory júrgizýshige onyń jol qozǵalysy erejelerin buzǵany týraly jalǵan aqparat berip, aldaý jolymen 150 myń teńge kóleminde aqshasyn alǵan.

Petropavl qalalyq soty 12 qazanda tártip saqshylaryna qatysty QR QK 190-baby 3-bóligi 2-tarmaǵy boıynsha qylmystyq isti qarap, úkim shyǵardy.

Patrýldik polıtsııa batalonynyń burynǵy eki ınspektoryna alǵan aqshanyń 10 eselengen mólsherinde aıyppul túrinde jaza taǵaıyndaldy. Sondaı-aq olar ómir boıyna quqyq qorǵaý organdarynda qyzmet atqarý quqyǵynan aıyryldy.

Bul is-sharany Sybaılas jemqorlyqqa qarsy is-qımyl agenttiginiń SQO boıynsha departamentiniń bastamasymen zań buzýshylyqqa jol bergen sottalýshylardyń burynǵy áriptesteri onlaın rejımde baqylady.

Preventsııa basqarmasynyń basshysy Damır Habıbýlınniń aıtýynsha, endi sybaılas jemqorlyq qylmystyq ister boıynsha barlyq sot protsesterin osyndaı formatta ótkizý josparlanyp otyr.

«Agenttik bul jańashyldyqty memlekettik qyzmetshiler arasynda sybaılas jemqorlyqqa qarsy mádenıetti qalyptastyrý úshin engizdi. Osylaısha, biz sybaılas jemqorlyq is-áreketteriniń saldary týraly memlekettik qyzmetshilerdiń sanasyna olardyń áriptesteriniń mysalynda áser etýdi maqsat ettik. Bul bastama óz jemisin berip, adamdardyń oıy ózgeredi dep úmittenemiz» - deıdi Damır Habıbýlın.


Joǵary qaraı