Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da aqsha beriledi degen jalǵan habarlama WhatsApp jelisi arqyly tarap jatyr

2021 jyldyń 25 qarasha 2021 15:36

PETROPAVL. QazAqparat – Soltústik Qazaqstan oblysynyń polıtseıleri ınternet-alaıaqtyqtyń jańa túri paıda bolǵandyǵyn aıtyp, halyqty eskertip jatyr, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, Petropavl qalalyq polıtsııa basqarmasyna Petropavl turǵyny aryzdanyp, WhatsApp messendjerimen kúdikti habarlama alǵandyǵyn aıtqan. Habarlamada «Halyk Bank» óziniń 98 jyldyǵyna oraı aktsııa uıymdastyryp jatqandyǵy aıtylǵan. Bank ár qazaqstandyqqa 50 myń teńge bermek-mys. Al, aqshany alý úshin usynylǵan siltemege ótý kerek.




«Bul silteme saýalnamasy bar veb-paraqqa aparady. Ol adamnyń derbes derekterin bilýge negizdelgen. Al qupııa málimetterdi jarııalaý arqyly bireýlerge óz qarjyńyzǵa jol ashasyz. Bank ókilderi aktsııa týraly aqparatty joqqa shyǵardy. Mundaı habarlamalar áleýmettik jelilerde sońǵy kezde jıi kezdesedi. Sonyń birinde Covid-19 pandemııasyna baılanysty kómek retinde 50 myń teńge beriletindigi aıtylady. Bul da alaıaqtardyń oılap tapqany», - deıdi Petropavl qalalyq polıtsııa basqarmasynyń birinshi bólim bastyǵy Tilegen Áljanov.




Polıtseılerdiń aıtýynsha, alaıaqtar fıshıngtik siltemelerdi de jıi qoldanady. Olar óte qaýipti. Siltememen ótý arqyly kompıýterdi nemese mobıldi qurylǵydaǵy bankıngti qashyqtan basqarýǵa bolatyn vırýsty juqtyrýǵa bolady. Tártip saqshylary tez paıda ákeletin ýádelerge senbeýdi, kúdikti siltemelerge ótpeýdi jáne olarmen eshkimge habarlama jibermeýdi suraıdy.


Joǵary qaraı