Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da aqqýdy atqan er adam sottaldy

2021 jyldyń 19 qazan 2021 20:13

PETROPAVL. QazAqparat – Soltústik Qazaqstan oblysynda Qyzyl kitapqa engen aqqý atyp alǵan er adamǵa qatysty sot úkimi shyqty, dep habarlaıdy QazAqparat tilshisi.

SQO Aıyrtaý aýdandyq sotynyń málimetinshe, zańsyz ańshylyqqa qatysty qylmystyq is búgin sotta qaraldy. Sh. esimdi er adam 18 qyrkúıek kúni ormanǵa ań aýlaýǵa shyqqan. Jolda Qyzyl kitapqa engen suńqyldaq aqqýdy kórip, ańshylyq etýge tıisti qujattary bolmasa da atyp alǵan. Sottalýshynyń kinási kýágerlerdiń aıǵaqtarymen, jazbasha jáne zattaı dáleldendi.

«Sh.-ǵa qatysty qylmystyq is sotqa jedeldetilgen sotqa deıingi tergeýmen tústi. Prokýror sottalýshyǵa qatysty 3 jylǵa bas bostandyǵyn shekteý jáne 7 jylǵa deıin ańshylyq etý quqyǵynan aıyrýdy surady. Qylmystyń bul túrine aıyppul, qoǵamdyq orynda jumys, túzetý jumysy, 6 jylǵa deıin bas bostandyǵyn shekteý nemese aıyrý jazasy qarastyrylǵan», - delingen habarlamada.

Sottalýshynyń kinásin moıyndaýy onyń jazasyn jeńildetti. Sondaı-aq sot onyń buǵan deıin sottalmaǵanyn eskerdi.

Nátıjesinde Aıyrtaý aýdandyq soty er adamnyń 3 jylǵa bas bostandyǵyn shektep, 7 jylǵa deıin ańshylyq etý quqyǵynan aıyrýǵa úkim shyǵardy. Budan basqa sottalýshy keltirilgen shyǵynnyń ornyn toltyrdy, al ańshy myltyǵy tárkilendi.


Joǵary qaraı