Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da ákimshilik qamaýdan bosaǵan er adam kólik aıdap ketken

2021 jyldyń 15 qazan 2021 22:31

PETROPAVL. QazAqparat – Soltústik Qazaqstan oblysynda mas er adam esigi jabylmaı qalǵan ózgeniń kóligin aıdap ketti. Ol jaqynda ǵana 15 táýlik ákimshilik jazasyn ótep shyqqan, dep habarlaıdy QazAqparat tilshisi.

SQO Polıtsııa departamenti baspasóz qyzmetiniń málimetinshe, Qyzyljar aýdany Beskól aýylynyń turǵyny úıdiń janyna qaldyrylǵan «VAZ-2107» avtokóligin tańerteń ornynan tappaǵan. Er adam birden polıtsııaǵa júgindi. Aıdap áketilgen avtokólikke qatysty patrýldik polıtsııa batalonynyń narıadyna baǵdar berildi. Tártip saqshylary joldardaǵy beketti kúsheıtti.

Jarty saǵat ótkennen keıin avtopatrýlderdiń biri Aqqaıyń aýdany Aralaǵash aýyly mańynan, ıaǵnı «Nur-Sultan-Petropavl» avtojolynyń 425- shaqyrymynda belgileri boıynsha uqsas kólikti baıqaǵan. Salonda bolǵan er adam ormanda jasyrynbaq bolyp qashqanymen, qolǵa tústi. Ustalǵan kezde ol mas boldy. Kúdikti Petropavldyń 32 jastaǵy turǵyny bolyp shyqty. Er adamnyń aıtýynsha, otaldyrý kilti salonda qalǵan avtokólikti baıqaǵan ol múmkindikti qalt jibermeýdi jón kóripti.

«Tekserý barysynda 4 qazanda kúdikti 15 táýlik ákimshilik jazasyn ótep shyqqany jáne 7 jylǵa kólik basqarý quqyǵynan aıyrylǵany belgili boldy. Patrýldik polıtsııa qyzmetkerleri kúdiktini jedel-tergeý tobyna tapsyrdy, olar protsessýaldyq sheshim qabyldaý úshin ony Beskólge jetkizdi», - deıdi SQO PD jergilikti polıtsııa qyzmeti basqarmasy bastyǵynyń orynbasary Aleksandr Rozbah.

Qyzyljar aýdanynyń polıtsııa bólimi bastyǵynyń mindetin atqarýshy Nurlyjan Aqtanovtyń aıtýynsha, ustalǵan er adam buryn tonaý jasaǵany úshin sotty bolǵan, al qazirgi ýaqytta eki urlyqqa jáne oblys ortalyǵynda mas kúıde jasalǵan bir kólik aıdap áketýge kúdiktelýde. Budan bólek, ol basqarý quqyǵynan aıyryla otyra, mas kúıde kólik júrgizgeni úshin qylmystyq jaýapkershilikke tartylady. Aıdap áketilgen kólik tárkilendi jáne tergeý áreketteri aıaqtalǵan soń ıesine qaıtarylady.


Joǵary qaraı