Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da adam saýdasy úshin halyqaralyq izdeýde júrgen qylmysker ustaldy

2021 jyldyń 19 qazan 2021 21:53

PETROPAVL. QazAqparat – Soltústik Qazaqstan oblysynda «Nelegal-kordon» operatsııasy aıasynda úsh qylmysker ustaldy, onyń bireýi adam saýdasy úshin memleketaralyq izdeýde júrgen, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, «Nelegal — kordon» jedel-profılaktıkalyq is-sharasy aıasynda apta boıy bazarlar, qurylys nysandary, fermerlik sharýashylyqtar men ózge de nysandar soltústikqazaqstandyq polıtseılerdiń erekshe nazarynda boldy.

Tekseris nátıjesinde 19 jumys berýshi sheteldik jumys kúshin zańsyz paıdalanǵany úshin ákimshilik jaýapkershilikke tartyldy.

Zańnamany buzǵany úshin basqa memleketterdiń 44 azamatynyń elde júrip-turý merzimi qysqartyldy, 22-si elden shyǵaryldy.

Budan bólek, 4 sheteldik QR Ákimshilik quqyq buzýshylyq týraly kodeksiniń 449-baby «Qoǵamdyq orynda tıisý» boıynsha jaýapqa tartyldy.

«Jedel-profılaktıkalyq is-shara ótken kezeńde sheteldikterdiń elde bolý erejelerin buzýdyń 250 deregi anyqtaldy. 191 jaǵdaıda QR azamattary jaýapkershilikke tartyldy. Qabyldaýshy jaq kelgen ımmıgranttar týraly ishki ister organdaryn ýaqtyly habardar etip, tıisti qujattardy resimdeýleri kerek. Budan bólek, zańnamany buzyp elge kirgen sheteldikke nemese azamattyǵy joq adamǵa turǵyn jaı berýge zań tyıym salady», - deıdi SQO PD kóshi-qon qyzmeti basqarmasy bastyǵynyń mindetin atqarýshy Ermek Nusyrbaev.

Sondaı-aq operatsııa barysynda 3 qylmysker ustaldy. Onyń bireýi adam saýdasy boıynsha memleketaralyq izdeýde bolǵan.

Qylmysker SQO Esil aýdanyndaǵy aýyldardyń birinde jasyrynyp júrgen.

Qazirgi ýaqytta ol qamaýǵa alynyp, izdeý jarııalaǵandarǵa habarlama jiberildi.

Joǵary qaraı