Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

SQO-da 93 aýyldyń turǵyndary qoǵamdyq kólikpen qamtylady

2022 jyldyń 15 qańtar 2022 14:52

PETROPAVL. QazAqparat – Soltústik Qazaqstan oblysynda qazirgi ýaqytta 443 eldi mekenniń tek 350-i turaqty túrde avtobýstar júredi. Bıyl bul másele sheshimin tappaq, dep habarlaıdy QazAqparat tilshisi.

SQO ishki saıasat basqarmasynyń málimetinshe, byltyr aýyldardyń ishindegi 189 km jol jóndeldi. Jumysty júzege asyrýǵa 4,3 mlrd teńge qarjy jumsaldy. Nátıjesinde 44 eldimekenniń kóshe joldary jónge keltirildi. Budan basqa aýyldarǵa baratyn 813 km 24,4 mlrd teńgege jóndeldi. Osylaısha oblystyq mańyzy bar joldardyń 74%-ynyń qazir jaǵdaıy jaqsy. Bıyl «Dáýit-Kishkenekól», «Voloshenka-Sergeevka-Tımırıazevo», «Sergeevka-Nıkolaeva», «Kamennnyı brod-Aqmola oblysyna deıingi joldardy jóndeý bastalmaq.

Jolaýshylar tasymaly jáne avtomobıl joldary basqarmasynyń alqa otyrysynda óńir basshysy aýyldardy qoǵamdyq kólikpen qamtý máselesiniń bıyl sheshimin tabatynyn aıtty.

«Jolaýshylar tasymaly máselesin talqyladyq. Qazir oblysta 93 aýyldyń turǵyndary avtobýs bǵyttarymen qamtamasyz etilmegen. Bul máseleni sheshý úshin qosymsha 180 mln tg bólemiz. Atap ótetin jáıt, 2017 jyldan beri qalalyq jáne oblys ishilik marshrýttarda jol júrý aqysy kóterilgen joq», - dedi Qumar Aqsaqalov.

Qazirgi ýaqytta oblysta 129 avtobýs baǵyty bar. Onyń beseýi oblysaralyq, 54-i oblysishilik, 30-y aýdanaralyq, 9-y aýyldyq jáne 11-i qala mańynda júrse, 20-sy Petropavl ishinde jolaýshy tasymaldaıdy. 443 aýyldyń 350-ine búginde avtobýstar júrmeıdi.

SQO jolaýshylar kóligi jáne avtomobıl joldary basqarmasynyń basshysy Maqsat Baıahmettiń aıtýynsha, byltyr áleýmettik mańyzy bar baǵyttarǵa 745 mln teńge sýbsıdııa bólindi. Bıyl mundaı baǵyttardyń saǵy 64-ke jetpek.


Joǵary qaraı