Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da 52 jastaǵy er adam birge turatyn áıeldi uryp óltirdi

2021 jyldyń 2 naýryz 2021 13:56

PETROPAVL. QazAqparat – Soltústik Qazaqstan oblysynda 36 jastaǵy birge turatyn áıelin ólimshi etip sabaǵan 52 jastaǵy er adamdy polıtseıler ustady, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, 16 aqpan kúni Aqqaıyń aýdandyq aýrýhanasyna kóptegen dene jaraqattarymen 1984 jyly týǵan Smırnovo eldimekeniniń turǵyny jatqyzyldy. Ony birge turatyn er adamnyń ólimshi etip sabaǵany belgili boldy.

Atalǵan fakti «Densaýlyqqa qasaqana aýyrlyǵy ortasha zııan keltirý» baby boıynsha Sotqa deıingi tergep-tekserýlerdiń biryńǵaı tizilimine engizildi.

Sotqa deıingi tergeý barysynda oqıǵanyń mán-jaıy anyqtaldy. ıAǵnı birge turatyn ekeýdiń arasyndaǵy janjal 13 aqpan saǵat 19.00 shamasynda týǵan. Urystyń arty tóbeleske ulasyp, 1968 jyly týǵan aýdan ortalyǵynyń turǵyny óz úıinde 36 jastaǵy áıeldi urǵan. Jaraqat alǵan áıel dárigerlerdi shaqyrmaı tanysynyń úıinde eki táýlik jatyp qalǵan. Jábirlenýshiniń anasy júgingen soń ǵana, polıtsııa qyzmetkerleri medıtsınalyq kómekke muqtaj áıeldi anyqtady. Ol aýdandyq aýrýhananyń hırýrgııa bólimshesine jatqyzyldy.

20 aqpan kúni jábirlenýshi alǵan jaraqattarynan aýrýhanada kóz jumdy. Osyǵan baılanysty polıtsııa qylmystyq isti «Densaýlyqqa qasaqana aýyr zııan keltirý» baby boıynsha ózgertti.

Kúdikti er adam ustalyp, Aqqaıyń aýdany polıtsııa bóliminiń ýaqytsha ustaý ızolıatoryna qamaldy. Oǵan qatysty «Qamaýda ustaý» bultartpaý sharasy qabyldandy.


Joǵary qaraı