Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

SQO-da 5 tonna chıps tıelgen fýra aýdarylyp qaldy

2022 jyldyń 24 mamyr 2022 14:50

PETROPAVL. QazAqparat – Soltústik Qazaqstan oblysynda trassada qytyrlaq kartop tıegen júk kóligi aýdarylyp qaldy, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, oqys oqıǵa Qyzyljar aýdanyndaǵy Kondratovka eldi mekeniniń mańynda ótken senbi kúni saǵat 15.00 shamasynda bolǵan.

Novosibir qalasynan Qostanaıǵa bet alǵan aqtóbelik júrgizýshiniń fýrasynyń qozǵaltqysh bóligi isten shyǵyp, burylmaq bolǵan «MAN» júk kóligi bir jaǵyna aýdarylyp ketken.

Fýraǵa 5 tonna chıps tıelgen eken. Júrgizýshige kómekti 5 saǵat kútýge týra keldi.

Jolda synyp turǵan júk kóligi jaıynda tártip saqshylaryna sol mańnan ótip bara jatqan júrgizýshiler habarlaǵan.

Kómekke jaqyn mańda - «Chelıabi-Novosibir» avtojolynda patrýldeýde júrgen patrýldik polıtsııa batalonynyń qyzmetkerleri keldi.




Polıtseıler Mamlıýt aýdanynan «Qazavtojol» JShS aýyr tehnıkasyn aldyrdy. Alaıda joldan shyǵyp, búıirlep jatqan júk kóligin shyǵarý ońaı bolmady.

Oblys ortalyǵynan tártip saqshylary «KamAZ»-ǵa ornatylǵan krandy shaqyrtty.

Nátıjesinde refrıjerator-fýranyń aldyńǵy jáne artqy bólikterin ajyratyp shyǵarýǵa týra keldi.

Barlyq jumys tek keshki saǵat 21.00 shamasynda ǵana aıaqtaldy.

«Oqıǵa týraly habardy alǵan soń birden júrgizýshige attandyq. Kómek uıymdastyryp, jol qaýipsizdigin qamtamasyz ettik. Júrgizýshi bizdiń óńirdiń turǵyny emes, kimnen kómek suraýdy jáne qaıda júginýdi bilmegen», - deıdi patrýldik polıtsııa batalonynyń ınspektory Ádil Qazıev.








Joǵary qaraı