Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da 300-den astam iri qara mal brýtsellez juqtyrdy

2021 jyldyń 23 qyrkúıek 2021 12:40

PETROPAVL. QazAqparat – Soltústik Qazaqstan oblysynda bıyl 311 iri qara mal brýtsellezben aýyrdy, qazir olardyń ıeleri ótemaqy alýǵa qujattaryn tapsyryp jatyr, dep habarlaıdy QazAqparat tilshisi.

SQO veterınarııa basqarmasynyń málimetinshe, Esil aýdanynda naýryz aıynan bastap 124 iri qara mal aýyrsa, Qyzyljar aýdandarynda brýtsellez aýrýynyń 101 jaǵdaıy tirkelgen.

«Brýtsellez anyqtalǵan jaǵdaıda mal ıesi Zań boıynsha 15 kún ishinde túlikti tólimen birge mindetti túrde sanıtarlyq soıýǵa tapsyrýy tıis. Sebebi

olar ınfektsııa taratýshy bolyp tabylady, basqa janýarlarǵa juqtyrýy múmkin. Veterınarlyq qyzmet janýarlardy et kombınatyna deıin tegin jetkizedi. Kásiporyn aýrý maldy jasyna jáne jynysyna qaraı satyp alady», - deıdi veterınarlyq qyzmet mamandary.

Eger maldyń eti men ishki múshelerinde aýrýǵa baılanysty patologııalyq ózgerister bolsa, mal ıelerine ortasha naryq baǵasynyń 30 %-y óteledi.

Et taza bolǵan jaǵdaıda on eki saǵattan keıin ol shekteýsiz satýǵa jiberiledi.

«Ótemaqy zań boıynsha belgilengen qujattardyń tolyq paketi bolǵan jaǵdaıda ǵana jasalady. Qazirgi ýaqytta 25 iri qara malǵa baılanysty 4 adamnan qujattar qabyldandy. Jalpy somasy 2,1 mln teńge. Ótemaqy tek qazan aıynan bastap qana tólene bastaıdy», - deıdi veterınarlar.

Mamandardyń aıtýynsha, bıyl brýtsellezben aýyrǵan mal sany 117 basqa azaıǵan.


Joǵary qaraı