Aýa raıy
Astana -28 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da 24 muǵalim koronavırýs juqtyrǵan

2020 jyldyń 24 qarasha 2020 17:14

PETROPAVL. QazAqparat – Soltústik Qazaqstan oblysynda ekinshi toqsanda 361 mektep shtattyq rejımde jumys istep, bul óńirdegi barlyq bilim berý mekemeleriniń 75,7% qurady, dep habarlaıdy QazAqparat tilshisi.

Óńirlik kommýnıkatsııalar qyzmeti uıymdastyrǵan brıfıngte SQO Bilim basqarmasynyń basshysy Gúlmıra Kárimova jańa oqý jylynan bastap koronavırýsqa baılanysty 57 kezekshi synyptyń qashyqtan oqýǵa kóshirilgenin aıtty. Onyń 19-y qarasha aıynda onlaın formatqa aýystyrylǵan.

«Qazirgi ýaqytta SQO-da 361 mektep shtattyq rejımde jumys isteıdi. Bul - 75,7% quraıdy. Olar negizinen shaǵyn komplektili mektepter. Budan basqa 1566 kezekshi synyp bar, olarda bastaýysh synyptardyń 19303 oqýshysy bilim alyp jatyr», - deıdi Gúlmıra Kárimova.

Kezekshi synyptarda jumys istegen 24 muǵalimde qaýipti ınfektsııa anyqtalyp, búginde olar em alyp jatyr.

«Saqtyq sharalary jasalǵan. KVI taralmaýy úshin maska rejımi engizilgen, sanıtaızerler bar. Balalar bir kabınette ǵana oqıdy. Olardyń úzilisi de sáıkes kelmeýi úshin túrli ýaqytqa qoıylǵan. Endi balabaqshalarǵa balalardy qabyldaý da saǵat 9.00-ge deıin uzartyldy. Bul búldirshinderdiń bir-birimen baılanysyn barynsha azaıtý maqsatynda jasalǵan», - deıdi basqarma basshysy.

Qazirgi ýaqytta M.Jumabaev aýdany Ýspenskıı orta mektebindegi shaǵyn ortalyq jáne Aqqaıyń aýdanyndaǵy «Balapan» balabaqshasy jáne mektepke deıingi bilim berý mekemelerindegi 19 kezekshi top karantınge jabyldy.

Sonymen qatar, SQO-nyń Ýálıhanov aýdanynda 3 mektep karantınge jabyldy.


Joǵary qaraı