Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO-da 2 myńnan astam jasóspirim Pfizer vaktsınasyn aldy

2021 jyldyń 4 jeltoqsan 2021 06:47

PETROPAVL. QazAqparat – Soltústik Qazaqstan oblysynda Pfizer vaktsınasyn 3 myńǵa jýyq adam saldyrdy, ekpe alǵandardyń ishinde jasóspirimderdiń úlesi basym, dep habarlaıdy QazAqparat tilshisi.

SQO densaýlyq saqtaý basqarmasy baspasóz qyzmetiniń málimetinshe, óńirde 2718 adam Pfizer vaktsınasyn aldy. Olardyń 2062-si – jasóspirim, 582-si – bala emizetin ana bolsa, 74-i – júkti áıel.

Petropavl qalalyq №2 emhanada Pfizer vaktsınasyn qoıýǵa arnaıy ekpe kabıneti ashylǵan. 15 qarashadan bastap bul jerde 184 bala, 3 júkti áıel men 32 ana ekpe aldy. Búgin munda Petropavldyń 14 jastaǵy turǵyny Tomırıs anasy Kúlimkóz Smaılovamen keldi.

«Memleket tarapynan qazir óte qymbat turatyn, birqatar tekseristen ótken Pfizer vaktsınasy bizdiń balalarymyzǵa tegin qoıylyp jatyr. Bul múmkindikti paıdalanyp, balalarymyzda qaýipti vırýstan saqtaýǵa barynsha jaǵdaı jasaýymyz qajet. Óıtkeni olar qazir mektepte oqıdy, qoǵamdyq jerlerge barmaı turmaıdy. Qaýip-qater óte kóp. Sondyqtan da balalarymyzdy qorǵaýymyz kerek», - deıdi Kúlimkóz Smaılova.

Buǵan deıin SQO-da koronavırýs juqtyrǵandardyń azaıǵanyn aıtqan edik.


Joǵary qaraı