Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

SQO ákimi «Kopaı» aýdanynyń qashan súriletinin aıtty

2022 jyldyń 21 qańtar 2022 21:05

PETROPAVL. QazAqparat – Petropavldaǵy «Kopaı» yqshamaýdanyndaǵy eski jeke úıler súrilip, ornyna jańa kópqabatty turǵyn úıler salynbaq. Óńir basshysy Qumar Aqsaqalov kóptiń kókeıinde júrgen suraqqa jaýap berip, jumystardyń qashan bastalatynyn aıtty, dep habarlaıdy QazAqparat tilshisi.

Soltústik Qazaqstan oblysynyń ákimi Qumar Aqsaqalov áleýmettik jeli qoldanýshylaryn kópten beri mazalaǵan suraqqa óz paraqshasynda jaýap berdi. Jazba Petropavldaǵy «Kopaı» yqshamýdanyna qatysty.

«Kopaı» qashan súriledi dep áleýmettik jeli qoldanýshylary maǵan jıi saýal qoıady. Bul yqshamaýdannyń turǵyndary eski jáne tozyǵy jetken úılerdiń súrilýin kópten kútip otyr. Bıyl kóktemde súrý jumystaryn bastap, shaǵyn aýdannyń qurylysyn bastaımyz. 9 kóp qabatty úı salynady. Ol úshin daıyndyq jumystary muqııat júrgizildi. Yqsham aýdannyń jobasy egjeı-tegjeıli ázirlenip, jobalyq-smetalyq qujattamasy ázirlendi. Osy jumysqa 1,5 jyl ýaqyt ketti.

2022 jyly biz turǵyn úı qurylysynyń qarqynyn báseńdetpeımiz. 5 jalgerlik-kommýnaldyq jáne 9 nesıelik úıdi tapsyramyz. Sondaı-aq nesıe jelisi boıynsha taǵy 13 úı salynady. 15 kommertsııalyq kópqabatty úı beriledi. Ivestorlar zamanaýı turǵyn úı keshenderin sala bastaıdy», - dep jazdy Qumar Aqsaqalov.

Óńir basshysynyń aıtýynsha, jalpy bıyl SQO-da 400 myń sharshy metrden astam turǵyn úı nemese 4 myń páter salynady. 14 myńǵa jýyq turǵyn qonys toıyn toılaıdy. Byltyr 346 myń sharshy metr nemese 3,5 myń páter paıdalanýǵa berildi. 12 myńnan astam soltústikqazaqstandyq jańa baspanaǵa ıe boldy.


Joǵary qaraı