Aýa raıy
Astana -7 °S
Almaty -11 °S
valıýta baǵamy
USD 421.58
EUR 496.83
RUB 5.53
CNY 62.20

«SQ-Farmatsııa» 2021 jylǵa qajet dári-dármek qoryn satyp alyp jatyr

2020 jyldyń 23 qazan 2020 00:21

NUR-SULTAN. QazAqparat - Elimizde 2021 jylǵa arnalǵan dári-dármek qory satyp alynýda. Ol týraly «SQ-Farmatsııa» JShS basqarma tóraǵasy Erhat Esqalıev málim etti, dep habarlaıdy QazAqparat tilshisi.

«COVID-19 indetiniń ekinshi tolqynyna qatysty aıtar bolsaq, biz álemdegi jáne eldegi jaǵdaıǵa kúndelikti taldaý júrgizip, boljam jasap otyrmyz. Sonyń negizinde búginde 2021 jylǵa qajetti dári-dármek qoryn satyp alýdamyz. Al bıylǵa jyl sońyna deıin dári-dármek qory jetkilikti. Taǵy bir erekshe aıtyp ótetin jaıt, bizdiń aldymyzǵa eldiń «SQ Farmatsııaǵa» degen senimin qaıtarý mindeti qoıyldy. Osy oraıda uıym janynan qoǵamdyq keńes qurdyq. Onyń quramynda depýtattar, quzyrly organ ókilderi men qoǵam belsendileri bar. Odan bólek, halyq tarapynan kelip túsken suraqtar men ótinishterge kúndelikti jaýap beremiz. ıAǵnı, biz jumysymyzdyń ashyqtyǵyn kórsetý maqsatynda qoǵamdyq baqylaýǵa daıynbyz», - dedi E. Esqalıev.

Atalǵan uıym basshysynyń málimdeýinshe, respýblıka boıynsha dári-dármek qoryn saqtaıtyn 4 hab bar. Olar Nur-Sultan, Almaty, Shymkent jáne Aqtóbe qalasynda ornalasqan.

Buǵan deıin habarlaǵanymyzdaı, «SQ-Farmatsııa basshysy» Erhat Esqalıev qazirgi tańdaǵy eldegi dári-dármek qoryna qatysty málimetti bólisken bolatyn.

Joǵary qaraı