Sınoptıkter birneshe óńirde eskertý jarııalady

NUR-SULTAN. QazAqparat – «Qazgıdromet» RMK aýa raıynyń buzylýyna baılanysty birneshe óńirde eskertý jarııalady, dep habarlaıdy QazAqparat.

Atap aıtqanda, 28-29 qańtarda Soltústik Qazaqstan oblysynyń keı jerlerinde tuman kútiledi. 28 qańtarda kúndiz, 29 qańtarda táýlik boıy ońtústik-batystan jel soǵady, keı jerlerde onyń kúshi 15-20 m/s artady.

28-29 qańtarda Qaraǵandy oblysynyń keı jerlerinde tuman kútiledi.

28 qańtarda Aqmola oblysynyń keı jerlerinde tuman, kóktaıǵaq boljanady. Ońtústik-batystan jel soǵyp, onyń ekpini 15-20 m/s kúsheıedi.

28 qańtarda Qostanaı oblysynyń keı jerlerinde tuman bolady.

28 qańtarda Batys Qazaqstan oblysynyń keı jerlerinde tuman kútiledi. Ońtústik-shyǵystan jel soǵady, kúshi kúndiz 15-20 m/s artady.

28 qańtarda Mańǵystaý oblysynyń keı jerlerinde shańdy daýyl turady. Ońtústik-shyǵystan soǵatyn jeldiń kúshi 18-23 m/s jetýi yqtımal.