Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Sınoptıkter 13 óńirde eskertý jarııalady

2022 jyldyń 25 mamyr 2022 18:41

NUR-SULTAN. QazAqparat – «Qazgıdromet» RMK 26 mamyrda aýa raıynyń nasharlaýyna baılanysty birneshe óńirde eskertý jarııalady, dep habarlaıdy QazAqparat.

Atap aıtqanda, Nur-Sultan qalasynda kúnniń ekinshi jartysynda naızaǵaı kútiledi. Ońtústik-shyǵystan jel soǵady, naızaǵaı kezinde ekpini 15-20 m/s artady.

Kúndiz Túrkistan oblysynyń taýlarynda naızaǵaı, daýyl bolady. Oblystyń soltústiginde, batysynda shańdy daýyl soǵady. Kúndiz jeldiń kúshi 25 m/s jetedi.

Kúndiz Shymkent qalasynda ońtústik-batystan soqqan jel soltústik-batysqa aýysyp, jyldamdyǵy 15-20 m/s artady.

Shyǵys Qazaqstan oblysynyń Jarma aýdanynda tótenshe órt qaýpi saqtalady.

Kúndiz Aqmola oblysynyń soltústik-batysynda, ońtústiginde naızaǵaı, burshaq, shańdy daýyl boljanady. Ońtústik-shyǵystan soǵatyn jeldiń ekpini kúndiz 23 m/s jetýi yqtımal.

Qyzylorda oblysynyń ortalyǵynda jel batystan, soltústik-batystan soǵady, kúshi 15-20 m/s quraıdy. Óńirdiń ortalyǵynda tótenshe órt qaýpi saqtalady.

Aqtóbe oblysynyń shyǵysynda, ońtústiginde naızaǵaı, burshaq kútiledi. Túnde óńirdiń batysynda, soltústiginde topyraq betinde 2 gradýs úsik kútiledi. Jeldiń ekpini 15-20 m/s artady.

Kúndiz Qostanaı oblysynyń basym bóliginde jańbyr jaýady. Óńirdiń ortalyǵynda jáne soltústik-shyǵysynda qatty jańbyr kútiledi. Oblystyń soltústik jartysynda – naızaǵaı, burshaq, daýyl, ońtústiginde, ońtústik-shyǵysynda shańdy daýyl boljanady. Jeldiń kúshi 23-28 m/s jetýi múmkin.

Túnde Batys Qazaqstan oblysynyń soltústik-batysy men soltústiginde topyraq betinde 2 gradýs úsik kútiledi.

Kúndiz Qaraǵandy oblysynyń batysynda, soltústiginde jeldiń kúshi 15-20 m/s jetedi. Kúndiz 36 gradýs qatty ystyq bolýy yqtımal.

Kúndiz Soltústik Qazaqstan oblysynyń soltústiginde, batysynda, ońtústik-batysynda naızaǵaı, daýyl, burshaq, shańdy daýyl kútiledi. Jeldiń jyldamdyǵy 25 m/s artady.

Mańǵystaý oblysynda naızaǵaı, tuman boljanady.

Kúndiz Jambyl oblysynyń soltústiginde 38 gradýsqa deıin qatty ystyq kútiledi.


Basty sózder: Aýa raıy, Qazgıdromet,
Joǵary qaraı