Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Sınoptıkter 11 óńirde eskertý jarııalady

2022 jyldyń 17 qańtar 2022 19:17

NUR-SULTAN. QazAqparat – «Qazgıdromet» RMK 18 qańtarda aýa raıynyń buzylýyna baılanysty birneshe óńirde eskertý jarııalady, dep habarlaıdy QazAqparat.

Almaty oblysynyń ońtústiginde, shyǵysynda tuman, kóktaıǵaq kútiledi. Batystan soǵatyn jeldiń ekpini túnde 18-23 m/s quraıdy.

Kúndiz Batys Qazaqstan oblysynyń batysynda, soltústik-batysynda kóktaıǵaq kútiledi. Jel ońtústik-batystan, ońtústikten soǵady, kúndiz óńirdiń batysynda, soltústik-batysynda ekpini 15-20 m/s artady. Oblystyń ońtústik-batysynda tuman boljanady.

Qyzylorda oblysynyń ortalyǵynda tuman, ońtústiginde kóktaıǵaq kútiledi.

Aqtóbe oblysynyń ońtústiginde jáne shyǵysynda tuman bolady.

Túrkistan oblysynyń ońtústiginde, batysynda, sondaı-aq taýly, taý bókterli aýdandarynda tuman kútiledi. Shyǵystan jel soǵady, kúndiz oblystyń taýly aýdandarynda onyń kúshi 15-20 m/s jetedi.

Shymkent qalasynda keı ýaqytta tuman boljanady.

Aqmola oblysynyń soltústik-batysynda, ońtústik-shyǵysynda jaıaý burqasyn kútiledi. Ońtústik-batystan jel soǵady, óńirdiń soltústik-batysynda, ońtústik-shyǵysynda ekpini 15-20 m/s jetedi.

Shyǵys Qazaqstan oblysynyń batysynda, soltústik-shyǵysynda jaıaý burqasyn júrip, joldarda kóktaıǵaq bolady, soltústiginde tuman kútiledi.

Soltústik Qazaqstan oblysynyń ońtústik-shyǵysynda tuman boljanady. Ońtústik-batystan jel soǵady, oblystyń soltústiginde, soltústik-shyǵysynda ekpini 15-20 m/s quraıdy.

Qaraǵandy oblysynyń soltústiginde, ońtústiginde tuman kútiledi.

Jambyl oblysynda 19, 20 qańtarda qatty jaýyn-shashyn (jańbyr, qar) kútiledi. Oblystyń soltústiginde, ońtústik-batysynda, taýly jáne taý bókterli aýdandarynda tuman, kóktaıǵaq boljanady. Soltústik-shyǵystan soǵatyn jel ońtústik-batysqa aýysady, oblystyń ońtústik-batysynda, soltústik-shyǵysynda jáne taýly aýdandarynda jeldiń ekpini 15-20 m/s quraıdy. Kúndiz 19 qańtarda, túnde 20 qańtarda jyldamdyǵy 23-28 m/s artady.


Basty sózder: Qazgıdromet, Aýa raıy,
Joǵary qaraı