Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SІM: AQSh jáne Germanııadaǵy Qazaqstan azamattary jańa pasportty 30 kúnde alady

2021 jyldyń 20 qazan 2021 15:57

NUR-SULTAN. QazAqparat – Syrtqy ister mınıstrligi men Іshki ister mınıstrligi Qazaqstan azamattaryna pasportty resimdeý merzimderin qysqartý boıynsha «pılottyq jobany» júzege asyryp jatyr, dep habarlaıdy QazAqparat SІM saıtyna silteme jasap.

Vedomstvo shet elderde memlekettik qyzmet kórsetý protsesin ońtaılandyrý sheńberinde, ásirese COVID-19 pandemııasyna baılanysty jaǵdaıda, qyzmet kórsetýdiń merzimderin qysqartýǵa erekshe kóńil bólip otyr.

«Qazirgi ýaqytta SІM men ІІM Germanııa aýmaǵynda turyp jatqan Qazaqstan azamattaryna pasportty resimdeý merzimderin qysqartý boıynsha «pılottyq jobany» júzege asyrýda. Budan buryn memlekettik qyzmet kórsetýdiń merzimi 80 kún bolsa, endigide memlekettik organdardyń birlesken is-qımyly arqasynda qyzmet kórsetýdiń merzimi 30 kúnge deıin qysqardy», delingen habarlamada.

Mınıstrliktiń málimdeýinshe, búginde Qazaqstannyń Germanııadaǵy sheteldik mekemeleri arqyly ótinish bildirgen 33 azamat pasportyn jańadan bekitilgen merzim ishinde aldy.

Aıta ketetini, «pılottyq joba» Reseıdegi QR Elshiliginde jáne AQSh-taǵy QR sheteldik mekemelerinde sátti júzege asyrylyp keledi. Pasport resimdeý merzimin qysqartýdy kózdeıtin elderdiń tizimin keńeıtý jalǵasady.


Basty sózder: QR SІM,
Joǵary qaraı