Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Sıtsılııada tropıkalyq daýyldan eki adam qaza tapty

2021 jyldyń 28 qazan 2021 10:05

NUR-SULTAN. QazAqparat - Sıtsılııada qýatty tropıkalyq daýyl men tolassyz jaýǵan jaýyn-shashyn saldarynan kem degende eki adam qaza tapty. Jeldiń jyldamdyǵy saǵatyna 120 shaqyrymǵa jetti, dep habarlaıdy QazAqparat BBC-ge silteme jasap.

Katanııa qalasy bárinen qatty zardap shekti. Týrıster arasynda tanymal tarıhı alańdy, balyq bazaryn jáne jergilikti aýrýhanany sý basty. Qalada jaryq sónip qaldy.

Dúısenbi kúni Katanııaǵa jaqyn ornalasqan Skordııa qalasynda tsıklonnan er adam mert boldy. Onyń kóligi sý astyna qalyp qoıǵan. Kólikte onymen birge bolǵan áıeli iz-túzsiz joǵaldy.

Seısenbi kúni Katanııaǵa jaqyn mańdaǵy Gravına qalasynda taǵy bir er adam qaza tapty. Ol sý basyp qalǵan kóliginen shyǵyp úlgere almaǵan.

Daýyl apta sońynda báseńdeýi múmkin, sondyqtan Katanııa meri qala turǵyndaryna úıden shyqpaýǵa keńes berdi.














Basty sózder: Álem,
Joǵary qaraı