Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Sı Tszınpın: Qazaqstan halqy Prezıdent Toqaevtyń basshylyǵymen jarqyn bolashaqqa jol ashady

2022 jyldyń 25 qańtar 2022 16:41

NUR-SULTAN. QazAqparat – Qytaı Halyq Respýblıkasynyń Tóraǵasy Sı Tszınpın Qazaqstandaǵy qańtar tragedııasy týraly pikir bildirdi, dep habarlaıdy.

«Bizdiń bárimiz syrtqy kúshterdiń aımaqtaǵy túrli-tústi tóńkeristerdiń qoltyǵyna sý búrkip, «adam quqyqtary» syltaýymen ishki isterimizge aralasý, halyqtarymyzdyń tynysh ómirin buzý talpynystaryna úzildi-kesildi qarsy turamyz. Jaqynda Qazaqstanda bolǵan tártipsizdikter adam ólimine jáne materıaldyq shyǵyndarǵa ákep soqtyrdy», - degen Qytaı basshysy óz eliniń bul iste Qazaqstan bıliginiń sheshimderin qoldaıtynyn aıtty.

«Qazaqstannyń kórshisi ári dosy bola otyryp, Qytaı Qazaqstannyń zorlyq-zombylyqty toqtatý jáne jaǵdaıdy turaqtandyrý jónindegi kúsh-jigerin barynsha qoldaıdy. Qytaı Qazaqstanǵa qajetti qoldaý men kómek kórsetýge daıyn. Prezıdent Toqaevtyń senimdi basshylyǵymen Qazaqstan halqy jarqyn bolashaqqa jol ashatynyna senimdimin», - dedi Sı Tszınpın.

Aıta keteıik, Memleket basshysy Qasym-Jomart Toqaev «Ortalyq Azııa – QHR» sammıtine qatysýda.

Sammıtke QHR Tóraǵasy Sı Tszınpın, Ózbekstan Prezıdenti Shavkat Mırzıeev, Qyrǵyzstan Prezıdenti Sadyr Japparov, Túrikmenstan Prezıdenti Gýrbangýly Berdimuhamedov, Tájikstan Prezıdenti Emomalı Rahmon beınekonferentsııa rejıminde qatysyp otyr.


Joǵary qaraı