Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Shymkenttegi jarylystan úshinshi adamnyń qaıtys bolǵany habarlandy

2022 jyldyń 21 mamyr 2022 18:59

NUR-SULTAN. QazAqparat – Shymkent qalasyndaǵy №1 oblystyq perınataldyq ortalyqtyń janyndaǵy jeke dárihana ǵımaratynda bolǵan jarylystan úsh adam qaıtys boldy. Bul týraly Densaýlyq saqtaý mınıstrligi málim etti, dep habarlaıdy QazAqparat vedomstvoǵa silteme jasap.

«Ókinishke qaraı, 1979 jyly týǵan kúzetshi B., 1980 jyly týǵan jumysshy Sh. jáne 18 kún buryn týǵan 1 sábı qaıǵyly oqıǵanyń qurbany boldy. Qaza tapqandardyń otbasylaryna kóńil aıtamyz. Zardap shekkenderge kómek kórsetý jáne osy qaıǵyly oqıǵany tergeý úshin vedomstvo barlyq qajetti sharalardy qabyldaıdy», - delingen mınıstrlik habarlamasynda.

Vedomstvo málim etkendeı, taǵy 8 adam zardap shekti. Olardyń barlyǵy qalanyń medıtsınalyq mekemelerine jatqyzyldy. Zardap shekkenderge A. Syzǵanov atyndaǵy UǴHO dárigerleri keńes berip jatyr. Psıhologtar tobynyń jumysy uıymdastyrylǵan.

Aıta keteıik, buǵan deıin Shymkenttegi perınataldyq ortalyqtyń qasyndaǵy dári saqtaıtyn eki qabatty ǵımaratta jarylys bolǵanyn habarladyq. Perzenthana ǵımaraty men turǵyn úıge zaqym kelip, ondaǵy adamdar qaýipsiz jerge kóshirilgen edi. Shymkenttegi jarylystan kúzetshimen qosa bir náreste shetinegeni málim boldy.





Joǵary qaraı