Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shymkenttegi tehnoparkte bolǵan kisi ólimine baılanysty qylmystyq is qozǵaldy

2021 jyldyń 23 qyrkúıek 2021 18:40

ShYMKENT. QazAqparat – Shymkenttegi «Qııal álemi» tehnoparkinde 55 jastaǵy er adamnyń ólimine baılanysty qylmystyq is qozǵaldy. Bul týraly qalalyq Polıtsııa departamentiniń baspasóz qyzmeti málimet taratty, dep habarlaıdy QazAqparat tilshisi.

«Shymkent qalalyq Ál-Farabı aýdanynyń Polıtsııa basqarmasymen «Qııal álemi» saıabaǵynda 1966 jylǵy azamat atraktsıonǵa otyryp, qaıtys bolǵandyǵy boıynsha tergep-tekserý amaldary júrgizilýde. Bastapqy medıtsınalyq anyqtamaǵa sáıkes, júregi toqtap qalǵan bolýy múmkin. Qazirgi tańda sot-medıtsınalyq saraptamasy taǵaıyndaldy» delingen qalalyq Polıtsııa departamentiniń habarlamasynda.

Aıta keteıik, qaıǵyly oqıǵa 22 qyrkúıekte keshki saǵat toǵyz shamasynda oryn alǵan edi. «Qııal álemi» tehnoparkinde er adam «Balǵa» attraktsıonyna mingen kezinde esinen tanǵan. Oqıǵa ornyna jedel járdem kelgenimen dárigerler er adamdy qutqaryp qala almady.

Bul «Qııal álemi» tehnoparkinde bolǵan alǵashqy oqıǵa emes. Osy jyldyń mamyr aıynda 17 jastaǵy jasóspirim oqys oqıǵadan qaza tapqan bolatyn. Jas jigit attraktsıonnyń metall konstrýktsııalaryna kóterilgende, qulap túsken edi. Ol jedel járdem kelgenshe qaıtys bolǵan.


Avtor Aınur Aqbaeva
Basty sózder: Shymkent, Qylmyspen kúres,
Joǵary qaraı