Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shymkenttegi epıdahýal áli de kúrdeli jaǵdaıda qalyp otyr

2021 jyldyń 21 shilde 2021 11:55

ShYMKENT. QazAqparat - Shymkent qalasynda ótken táýlikte koronavırýs ınfektsııasyna qarsy 2673 adam vaktsına saldyrdy. Turǵyndardyń 1012-si vaktsınanyyń I komponentin qabyldasa, II komponent 1661 adamǵa egilgen, dep habarlaıdy QazAqparat tilshisi.

Qalalyq densaýlyq saqtaý basqarmasynyń málimetinshe, barlyǵy 345 167 adam vaktsınalanǵan. Onyń ishinde 219 325-i vaktsınanyń eki komponentin qabyldaǵan. Al, 20 shilde kúngi málimet boıynsha megapolıste KVI-diń 412 jaǵdaıy tirkelgen. 204 naýqas ınfektsııalyq statsıonarǵa jatqyzylyp, 208 adam úı baqylaýyna alynǵan. Qazirgi tańda mamandandyrylǵan ınfektsııalyq statsıonarlarda barlyǵy 2946 oryn bar bolsa, tósek-oryn tolymdyǵy - 66 paıyzdy quraıdy. Sonymen qatar, 20 shilde kúni 784 nysanǵa tekserý jumystary júrgizilip, onyń ishinde 11 nysanda karantın rejıminiń talaptary buzylǵandyǵy anyqtalǵan. Ákimshilik hattamalar toltyrylǵan. Qazir qaladaǵy epıdemıologııalyq ahýal áli de kúrdeli jaǵdaıda qalyp otyr.


Avtor Aınur Aqbaeva
Basty sózder: Shymkent, Medıtsına, Koronavırýs,
Joǵary qaraı