Aýa raıy
Astana 19 °S
Almaty 19 °S
valıýta baǵamy
USD 412.55
EUR 468.66
RUB 5.79
CNY 58.80

Shymkentte júrgizýshi kýáligin saýdaǵa salǵan 26 polıtseıge úkim oqylyp jatyr

2019 jyldyń 11 qarasha 2019 11:38

ShYMKENT. QazAqparat - Shymkentte 26 polıtsııa qyzmetkeri men 12 deldalǵa qatysty úkim oqyla bastady. Aıyptalýshylar qatarynda tirkeý-emtıhan bóliminiń 5 birdeı basshysy da bar. Eki jylǵa sozylǵan tergeýden soń bastalǵan sot otyrysy bir jarym jylǵa sozyldy, dep habarlaıdy QazAqparat.

Ótken jyldyń shilde aıynda bastalǵan sot otyrysyna jetpiske tarta qorǵaýshy qatysty. Aıyptalýshylarǵa qatysty qylmystyq is myń jarym tomnan asyp ketken.

Aıta keteıik, aıyptalýshylardyń aldy 2016 jyldyń shilde aıynan ustalyp, úsh jyldan asa ýaqytsha tergeý abaqtysynda otyrdy. Aıyptaý aktisi boıynsha Ońtústik Qazaqstan oblystyq ІІD Ákimshilik polıtsııa tirkeý-emtıhan basqarmasynyń burynǵy basshysy Artyqbek Japparov qylmystyq top uıymdastyrdy dep aıyptalǵan bolatyn. ıAǵnı, paraǵa júrgizýshi kýáligin berip, kez kelgen aımaqtyń memlekettik nómirin jasap otyrypty. Jalpy sany 38 aıyptalýshyǵa qylmystyq kodekstiń 8 baby boıynsha aıyp taǵylyp otyr.

Ulttyq bıýro arnaıy operatsııa uıymdastyryp, Shymkent pen ońtústiktegi birneshe laýazymdy shendilerdi bir kúnde ustaǵan bolatyn. Kúdiktiniń bireýi kabınetin qulyptap alyp, esikti asham degenshe aqsha men qujatty órtep, bazbirin jep te qoıǵan bolatyn. Eki jylǵa sozylǵan tergeýde kúdiktiler keltirgen shyǵyn 2,7 mıllıard teńgege jetken.

Іsti Shymkent qalalyq qylmystyq ister jónindegi mamandandyrylǵan aýdanaralyq sotynda sýdıa Ábsattar Shaıhıdınov qarady.

Avtor Aınur Aqbaeva
Basty sózder: Shymkent, Zań, Sot,
Joǵary qaraı