Aýa raıy
Astana -11 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Shymkentte joǵalǵan 12 jasar qyz Almatyǵa bara jatqan avtobýstan tabyldy

2020 jyldyń 29 qarasha 2020 09:53

ShYMKENT. QazAqparat - Shymkenttik polıtseıler qala aýmaǵynda joǵalǵan 12 jasar qyzdy Tarazdan tapty, dep habarlaıdy QazAqparat qalalyq polıtsııa departamentine silteme jasap.

26 qarasha kúni «102» symtetigine jergilikti azamatsha habarlasyp, bir kún aldyn jasóspirim qyzynyń joǵalǵanyn aıtyp, kómek suraǵan.

Atalǵan jaıt boıynsha Shymkent qalasy polıtsııa departamenti Abaı aýdandyq polıtsııa basqarmasynyń qyzmetkerleri shuǵyl izdeý sharalaryna kirisedi.

Kópbalaly otbasydan shyqqan oqýshy sol kúni «Alash» bazaryna baryp, qaıta úıine oralmaǵan. Іzdestirý jumysyna kirisken tártip saqshylary qyzdy Shymkent-Almaty baǵytyndaǵy jolaýshylar kóliginde ketip bara jatqan sátinde, Taraz qalasynan tapqan.

Abaı aýdany polıtsııa basqarmasynyń jedel ýákili, polıtsııa aǵa leıtenanty Orynbek Ómirzaq anasy men qyzyn aman-esen qaýyshtyryp, Shymkent qalasyna jetkizgen.

Qazir jasóspirimmen psıholog maman profılaktıkalyq jumys júrgizip jatyr. Óz kezeginde qyzdyń anasy tártip saqshylaryna alǵys aıtyp, rızashylyǵyn jetkizdi.



Avtor Janat Qapalbaeva
Basty sózder: Shymkent, Oqıǵa,
Joǵary qaraı