Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Shymkentte jappaı tártipsizdikter kezinde búlingen ǵımarattar qalpyna keltirilip jatyr

2022 jyldyń 16 qańtar 2022 13:05

ShYMKENT. QazAqparat - Shymkentte jappaı tártipsizdikten zalal kelgen «Kórme» ortalyǵynan basqa barlyq nysandar shtattyq rejımde jumys istep jatyr. Tolyǵymen órtke oranyp, jaramsyz kúıge túsken kórme ǵımaratyn súrip, qaıta soǵý máselesi qarastyrylýda – dep habarlaıdy QazAqparat tilshisi.

Zardap shekken 8 nysannyń 6-ýy ákimshilik memlekettik nysan. Onyń ishinde qalalyq ákimdik, «Kórme» ortalyǵy, «Túrkistan saraıy» mádenıet úıi, J.Shanın atyndaǵy drama teatry, mádenıet basqarmasy men balalar kitaphanasy jáne qalalyq «Nur Otan» partııasynyń ǵımaraty men eki kommertsııalyq nysan bar.




Shymkent qalalyq máslıhatyndaǵy «Nur Otan» partııasy fraktsııasy músheleri tártipsizdik kezinde órtengen partııa fılıalynyń ǵımaratyna ózderiniń jeke esebinen ǵımaratty jóndeý jáne qalpyna keltirý jumystaryn qolǵa aldy. Olardyń qatarynda «Jastardy qoldaý» aımaqtyq qoǵamdyq keńes tóraǵasy Aslan Alımbek, M.Áýezov atyndaǵy OQÝ rektory, Partııalyq baqylaý komıssııasynyń tóraǵasy Darııa Qojamjarova jáne Saıram kómekshi-ınternat kolledjiniń dırektory Jadyra Tańatarova bar.

Sondaı-aq, qalalyq polıtsııa departamentiniń zaqymdanǵan avtokólik onyna QR Іshki ister mınıstrliginen qyzmettik 63 jańa avtokólik berildi. Budan bólek, zalal keltirilgen 7 jedel járdem kóligi qalpyna keltirilgen. Qala aýmaǵyndaǵy búlingen 200-ge jýyq «Sergek» beınebaqylaý kameralarynyń búgingi kúnge 46-y jóndelgen.







Zardap shekken 23 kásipkerdiń 12-si menshikterin óz kúshterimen qalpyna keltirip otyr. Ondaǵy shyǵyn kólemi 226,6 mln. teńgeni quraıdy. Qalǵan 11 kásipkerlik nysannyń zalal shyǵyny anyqtalyp, qalpyna keltirý jumystary júrgizilýde.

Qıyn sátte jeke kásipkerler de óz qoldaýlaryn kórsetýde. Máselen, zardap shekken ákimshilik iskerlik ortalyǵy alańyndaǵy gúlzardyń aıaqjoldaryna demeýshiler esebinen brýschatkalar men granıt tastary, 350 sharshy metr gazon tóseldi. 50 dana spınker, 4 oryndyq ornatyldy. Qańtar aıynyń sońyna deıin kóshet otyrǵyzý jáne qoqys jáshikterin ornatý jumystaryn aıaqtaý josparlanýda.

Jalpy, qazirgi tańda Shymkent qalasy boıynsha jaǵdaı turaqty.





Joǵary qaraı