Aýa raıy
Astana -2 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Shymkentte volonterler mektebi quryldy

2020 jyldyń 24 qyrkúıek 2020 16:30

ShYMKENT. QazAqparat – Shymkentte volonterler mektebi ashyldy, dep habarlaıdy QazAqparat tilshisi.

Qala ákimdiginen málim etkendeı, Prezıdent Qasym-Jomart Toqaev 2020 jyldy « Eriktiler jyly « dep bekitken. Osyǵan sáıkes eriktiler jylyn keń kólemde ótkizý maqsatynda Shymkentte qarqyndy jumystar atqarylyp otyr.

Qazirgi tańda shaharda 3 myńnan astam volonter, 20-ǵa jýyq volonterler uıymy bar. Solardyń biri - «Іzgilikte jarysaıyq» qaıyrymdylyq qoǵamdyq qory. Búginde atalǵan qor qalalyq Jastar resýrstyq ortalyǵynyń qoldaýymen «Eriktiler mektebin» ashyp otyr.

«Eriktiler mektebiniń» basty maqsaty – qorshaǵan ortaǵa qamqorlyq kórsetý, muqtajdarǵa kómek berip, izgilik jolynda jastardyń óz izin qaldyrýy bolyp otyr. Sonymen qatar, jas urpaqtyń boıyna adamgershilik, izgilik, qamqorlyq pen qaıyrymdylyq sııaqty asyl qasıetterdi darytý.





«Іzgilikte jarysaıyq» qaıyrymdylyq qoǵamdyq qorynyń volonterleri bilim, ekologııa, áleýmettik baǵyttarynda jumys jasaıdy.

Máselen, «Eko-volonter» baǵytynda «Shymkent – taza qala», «Shymkent – jasyl qala» jobalary boıynsha qalanyń tazalyǵyna óz úlesterin qosyp otyr. Sondaı-aq, «ploggıng» saıystaryn mektep oqýshylary jáne stýdentter arasynda uıymdastyryp keledi. Ol júgirý men qoqys jınaýdy biriktiretin ekologııalyq qozǵalys. Bul arqyly volonterlardy tazalyqqa, sabyrlyqqa, mádenıettilikke úıretedi.





Al, «PEDKLÝB» bilim jobasy jastar arasynda jumyssyzdyq deńgeıin tómendetý, ulttyq qundylyqtardy nasıhattaý maqsatynda jasalynǵan», - dedi Shymkent qalasy ákiminiń baspasóz qyzmetinen.


Joǵary qaraı