Aýa raıy
Astana -12 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Shymkentte vagondardyń aýdarylýynan 5 jolaýshy poıyzy toqtap tur

2020 jyldyń 24 qazan 2020 10:27

ShYMKENT. QazAqparat - Shymkent qalasynyń temirjol stantsııasynda 13 vagon joldan shyǵyp ketip, aýdaryldy, dep habarlaıdy QazAqparat.

«24 qazanda saǵat 02.31-de Shymkent qalasynyń temirjol stantsııasynda №117 baǵytyndaǵy 13 vagon joldan shyǵyp ketip, aýdaryldy. Qaıtys bolǵandar men zardap shekkender joq. Oqıǵanyń sebepteri anyqtalýda», - dedi QR Tótenshe jaǵdaılar mınıstrliginiń resmı ókili Talǵat Ýálı.

Málim etilgendeı, barlyǵy jyljymaly quramǵa 21 vagon tirkelgen, barlyǵy bos bolǵan.

«Oqıǵa basqa poıyzdardyń qozǵalysyna áser etti. Aldyn ala málimet boıynsha, 5 jolaýshylar jáne 10 júk poıyzy toqtap tur.

Qazirgi ýaqytta jóndeý-qalpyna keltirý jumystary júrgizilýde, «QTJ« AQ-nyń 200 qyzmetkeri, Shymkent, Arys jáne Taraz stantsııasynan qalpyna keltirýmen aınalysatyn 3 poıyz jumyldyryldy», - dedi T.Ýálı.

Oqıǵa ornynda Shymkent qalasy TJD 6 qyzmetkeri jáne 3 tehnıka, Shymkent stantsııasy Іshki ister jelilik polıtsııa bóliminiń 10 qyzmetkeri jáne 1 tehnıkasy jumys isteýde. Joldy bosatý baǵytynda jumystar júrgizilip jatyr. 24 qazan saǵat 13.00-ge deıin poıyzdardyń qozǵalysy úshin 1 joldy qalpyna keltirý josparlanýda.














Joǵary qaraı