Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Shymkentte ýaqytsha ustaý abaqtysynan qashyp ketken kúdikti ustaldy

2022 jyldyń 12 mamyr 2022 13:11

ShYMKENT. QazAqparat - Shymkentte ýaqytsha ustaý ızolıatorynan qashyp ketken kúdikti ustaldy, dep habarlaıdy QazAqparat tilshisi.

Osy oqıǵaǵa baılanysty Shymkent qalasy jáne Túrkistan oblysy boıynsha QR ІІM Qylmystyq-atqarý júıesi departamenti qyzmettik tekserý bastady.

Óńirdiń Qylmystyq-atqarý júıesi departamentiniń málimetinshe, kúdikti keshe 11 mamyr kúni Shymkenttegi tergeý ızolıatorynan qashyp ketken. Ol munaı-gaz qubyrynan urlyq jasaý kúdigimen ustalǵan. Atalǵan fakti boıynsha QR Qylmystyq kodeksiniń 188-baby 4-bóligimen (urlyq) tergeý júrgizilip, sezikti tergeý ızolıatoryna ýaqytsha qamaýǵa alynǵan edi.

Jedel-izdestirý is-sharasy barysynda qashyp ketken adamdy Túrkistan jáne Jambyl oblystary polıtsııa qyzmetkerleriniń qatysýymen oblystyń QAJD jáne PD jedel qyzmetkerleri ustady.

«Atalǵan fakti boıynsha Shymkent qalasynyń polıtsııa departamenti sotqa deıingi tergeý bastady (Qazaqstan Respýblıkasy QK-niń 426-baby «bas bostandyǵynan aıyrý oryndarynan, qamaýdan nemese qamaýdan qashý»). QR Qylmystyq is júrgizý kodeksiniń talaptaryna sáıkes tergeýdiń ózge málimetteri jarııa etýge jatpaıdy», - delingen departamenttiń habarlamasynda.



Joǵary qaraı