Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shymkentte segizinshi qabattyń terezesinen qulaǵan 2 jasar sábı kóz jumdy

2021 jyldyń 15 qyrkúıek 2021 10:53

ShYMKENT. QazAqparat – Shymkentte eki jasar qyz bala jazataıym oqıǵa saldarynan qaıtys boldy. Sábı segizinshi qabattaǵy terezeden qulady, dep habarlaıdy QazAqparat Shymkent qalasy tótenshe jaǵdaılar departamentiniń baspasóz qyzmetine silteme jasap.

Qutqarýshylardyń málimetinshe, keshe saǵat 20:40 shamasynda kópqabatty turǵyn úıdiń segizinshi qabattyndaǵy terezeden balanyń qulaǵany týraly habarlama kelip túsken.

Qaıǵyly oqıǵa Qarataý aýdanynyń «Nursát» shaǵynaýdanynda bolǵan.

Aldyn ala málimet boıynsha, 2019 jyly dúnıege kelgen sábı ata-anasynyń qaraýynsyz qalyp, terezeden qulaǵan. Bala oqıǵa ornynda kóz jumdy.

Qutqarýshylar ata-analardan balalaryn ásirese ashyq turǵan terezeniń qasynda qaldyrmaýyn suraıdy.

Jyl basynan beri Shymkent aýmaǵynda balalardyń terezeden qulaýynyń alty oqıǵasy tirkeldi.

Úsh oqıǵada balalar qaıtys bolyp, taǵy úsheýinde jaraqat alǵan.

Basty sózder: Shymkent, Oqıǵa,
Joǵary qaraı