Aýa raıy
Astana -24 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Shymkentte osal toptarǵa bólinetin baspanaǵa qoǵamdyq baqylaý júrgiziledi

2020 jyldyń 30 qazan 2020 17:35

ShYMKENT. QazAqparat – Shymkentte Qazaqstan kommýnıstik halyq partııasy «Halyqtyń áleýmettik osal toptaryna áleýmettik turǵyn úı berý qoǵamnyń baqylaýyna!» taqyrybynda dóńgelek ústel ótkizdi. Basqosýda partııa ókilderi áleýmettik osal toptarǵa turǵyn úı berý isine qoǵamdyq baqylaý júrgiziletinin jetkizdi, dep habarlaıdy QazAqparat tilshisi.

Aıta keteıik, bıyl megapolıste arendalyq úılerdiń qurylysy úshin 39,5 mlrd teńge bólinip otyr. Onyń maqsatty jumsalýyn partııa qoǵam belsendileri, úkimettik emes uıym múshelerimen birlesip qadaǵalamaq. Sondaı-aq, kommýnıster basqosýda ıpotekalyq nesıelerdiń bastapqy jarnasyn tómendetý týraly da bastama kóterdi. Sebebi partııa músheleri halyq arasynda baspana máselesi boıynsha saýalnama júrgizgen. Nátıjesinde jaǵdaıy tómen otbasylarǵa alǵashqy jarna úshin 20 paıyzdyń ózi aýyr tıetindigi belgili bolǵan. Sol sebepti memleket ony 10 paıyzǵa túsirse degen usynysta joq emes.




«Bizdiń maqsat –jańaǵy osy qyrýar aqshanyń maqsatty jumsalýyn baqylaý bolmaq. Máselen, nesıelik qurylysqa 390 mlrd teńge bólingen. «Nurly Jer» baǵdarlamasy boıynsha 35 mlrd teńge qarastyrylǵan. Osylarǵa qoǵamdyq baqylaý kerek dep oılaımyz. Onyń ishine qoǵamdyq belsendiler, partııalar Úkimettik emes uıymdar. Endi 3-6 aıda ma qoǵamdyq talqylaý tyńdaý jasaý kerek dep oılaımyz», - deıdi Qazaqstan kommýnıstik halyq partııasy

Shymkent qalalyq komıtetiniń birinshi hatshysy Nurlan Qadyrqulov.

Partııa músheleri jıynda «7-20-25» baǵdarlamasy boıynsha satyp alýǵa bolatyn jańadan salynǵan páterler sanynyń jetkiliksizdigi máselesin kóterdi. Sebebi, atalǵan baǵdarlamaǵa ekinshi rettik turǵyn úı men jańadan salynyp jatqan turǵyn úı de kirmeıdi.




«Turǵyn úı máselesin jappaı sheshý jáne qoljetimdi ıpotekalyq nesıe berý baǵdarlamasyn qurý ıdeıasy jaqsy ekenin atap ótkim keledi. «7-20-25» boıynsha nesıe alǵan 1 500 otbasydan ǵana turǵyn úımen problemalar týyndaıtyny sózsiz. Mundaı adamdar áldeqaıda kóp. Búgingi tańda baǵdarlamamen, qurylys salýshylarmen, azamattarmen jáne banktermen baılanysty problemalar bar ekeni belgili. Sondyqtan osy sekildi eń qarapaıym máselelerdi sheshýge kúsh salýymyz kerek»,- deıdi Nurlan Qadyrqulov.


Avtor Aınur Aqbaeva
Basty sózder: Qurylys, Partııalar, Shymkent,
Joǵary qaraı