Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Shymkentte ortalyq stadıon shatyrynyń qulaýyna qatysty tergeý bastaldy

2022 jyldyń 21 mamyr 2022 23:56

ShYMKENT. QazAqparat - Shymkentte ortalyq stadıon shatyrynyń qulaý jaıty boıynsha tergeý bastaldy. Bul týraly qalalyq Polıtsııa departamenti resmı málimet taratty, dep habarlaıdy QazAqparat tilshisi.

«Ortalyq stadıondaǵy shatyrdyń qulaýy týraly habarlama túse salysymen oqıǵa ornyna polıtsııanyń jedel-tergeý toby bardy. Belgili bolǵandaı, Pavlodardyń «Aqsý» - «Ordabasy» komandalary arasyndaǵy fýtbol matchy kezinde qatty jeldiń saldarynan shatyr qulaǵan. Oqys jaǵdaıdan zardap shekkender joq. Atalǵan jaıt boıynsha polıtseıler QR QK 278-baby «sapasyz qurylys» boıynsha sotqa deıingi tergeý júrgizýde. Barlyq qajetti saraptamalar taǵaıyndaldy» delingen PD baspasóz qyzmeti taratqan habarlamada.

Aıta keteıik, Shymkentte fýtbol matchy kezinde stadıonnyń shatyry ushyp, alańǵa túsken bolatyn.
Premer-lıga komandalary arasyndaǵy el birinshiliginiń on ekinshi týrynda aýa raıynyń qolaısyzdyǵyna baılanysty eki oıyn keıinge shegerildi. Shymkenttegi «Ordabasy» men Pavlodar oblysynyń «Aqsý» klýbtarynyń kezdesýi oıyn ortasynan toqtatyldy. Sondaı-aq, Túrkistanda kezdesý bastalýyna sanaýly mınýttar qalǵanda «Turan» men «Aqtóbe» arasyndaǵy kezdesý shegerildi.

Avtor Aınur Aqbaeva
Basty sózder:
Joǵary qaraı